Әлки районыннан Илүзә Хәйруллинаны Мәскәүгә тренировкага чакырдылар

2021 елның 20 марты, шимбә

Россия Спорт министрлыгының “Россия җыелма командалары спорт әзерлеге үзәге”  карары белән Әлки кызы Илүзә Хәйруллина Мәскәүгә тренировкалар үтәргә чакырылды.

Илүзә Нәби Дәүли исемендәге Базарлы Матак гимназиясенең  8 сыйныфында укый. Ул берничә ел инде “Ләйсән” йөзү бассейнында “Актай” командасы составында су полосы белән шөгыльләнә.

Россия турнирларында катнашып, Илүзә үзен өметле яшь спортчы итеп күрсәтте. Аның тренеры – Александр Георгадзе.