Яковлева Ольга Леонтьеваны 95 яшьлеге белән котлау

2021 елның 25 марты, пәнҗешәмбе

Чуаш Борнае авылында яшәүче тыл хезмәтчәне Яковлева Ольга Леонтьева 95 яшьлеген билгеләп үтә. Әлки муниципаль районы башлыгы Александр Федорович Никошин исеменнән юбилярны социаль яклау бүлеге җитәкчесе Алмаз Хәмитов, Чуаш Борнае авыл җирлеге башлыгы Илсур Зарипов, «Бердәм Россия» Әлки җирле бүлекчәсе башкарма секретаре Гөлшат Хәлиуллина, шулай ук Яшь Гвардия җитәкчесе Айдар Абдуллин котлады. Бүләкләр һәм Россия Президенты Владимир Владимирович Путинның шәхси котлаулары тапшырылды. Аңа нык сәламәтлек һәм озын гомер теләделәр.