Бүгенге көндә Татарстанда 1,5 млн.фатир һәм йорт газлаштырылган
Һәр фатирда диярлек газ плитәсе бар. Шулай ук миллион берәмлеккә якын башка газ җиһазлары урнаштырылган-бу казаннар, колонкалар, мунчаларда горелкалар, ә монда счетчиклар да өстәсәң, приборларның гомуми саны 3,5 млн берәмлектән артып китәчәк.
Аңлашыла ки, ягып җылыту сезоны вакытында, барлык җиһазлар да аеруча интенсив кулланганда, угар газы белән агулану куркынычы арта. Көнкүреш газын сизеп була – аңа махсус ис өчен одорант кертелә икән, угар газын тою мөмкин түгел: аның исе дә, төсе дә, тәме дә юк, аның бинасында булуын бары тик загазлануны контрольдә тоту системасы, ягъни сигнализаторлар ярдәмендә генә билгеләргә була. Ә үлемгә китерүче газ белән агулану өчен 0,1 процентлы концентрация дә җитә.
Агулануның күпчелеге көнкүрештә газ куллану кагыйдәләренә игътибар итмәү белән бәйле. Бу-бинага һава агымының җитмәве, төтен һәм вентиляция каналларының тартмавы, газ приборларын компетентсыз затлар ремонтлау яки алыштыру белән бәйле. Шуңа күрә җилләтү каналларында һәм төтен чыга торган урыннардагы тарту көчен күзәтеп торырга кирәк, аны һәр прибор кабызыр алдыннан тикшерергә, вакыт-вакыт «кесәләрен» чистартырга, газ җиһазларының төзеклеген игътибар белән күзәтергә һәм проблемалар килеп туган очракта газ хуҗалыгы белгечләрен чакыртырга кирәк.
Газ плитәләрен биналарны җылыту сыйфатында куллану, үз белдегең белән үзгәртеп кору, газ приборларын алыштыру һәм ремонтлау, газ чыгуны мөстәкыйль рәвештә бетерү катгый тыела. Әгәр йортта яшәүчеләрнең газ приборларын эксплуатацияләү кагыйдәләрен үтәмәүләренә (еш кына бу имин булмаган гаиләләргә һәм өлкәннәргә кагыла) шик туса, кичекмәстән авария газ хезмәтенә мөрәҗәгать итәргә яки ашыгыч хезмәтләрнең бердәм номерына шалтыратырга кирәк. Тик мондый хәлләрне һич тә игътибарсыз калдырмаска кирәк.
Гомуми таләпләр дә бар: газдан файдалану кагыйдәләре бозылмый, җиһазлар техник яктан дөрес һәм вакытында күрсәтелүче хезмәтләр, шул исәптән газ белән тәэмин иткән өчен дә түләнә икән, торак хуҗаларын газ белән тәэмин итүдән өзү өчен нигез юк.
Торак милекчеләре газчыларга газ җиһазларына техник хезмәт күрсәтү өчен фатирларга керү мөмкинлеген тәэмин итәргә тиеш. Ул уку һәм аттестация узган махсус оешмаларның хезмәткәрләре тарафыннан елына бер тапкыр үткәрелә.
Сүз уңаеннан, шәхси йорт хуҗалыгында күпфатирлы йортларга караганда агулану дәрәҗәсе азрак. Янучы газы һавадан авыр булганлыктан, ул түбән урнашкан фатирларга керә. Ә күпфатирлы йортларда даими булып торган шартлауларның масштабы һәм нәтиҗәләре турында барыбыз да белә.
Шәхси йортларның күп фатирлы йортлардан аермасы бары тик газ җайланмасында гына. Аларның фатирларында зур торак биналарны газлаштырганда газлану сигнализаторларын мәҗбүри урнаштыру таләп ителә, бу, сүз уңаеннан, куркынычсызлыкның нәтиҗәле чарасы булып тора. Әлеге җиһазларны барлык кулланучыларга, хәтта торакларында плитә генә урнаштырылган кешеләргә дә тәкъдим итәргә мөмкин. Мондый приборның бәясе кыйммәт түгел, ә газлаштырылган бинаның куркынычсызлык дәрәҗәсе шактый арта.
"Газпром трансгаз Казан” ҖЧҖ, "Чистайгаз" эксплуатация-җитештерү идарәсе