Әлки районы: балалар киндер һәм батикта рәсем ясыйлар
Балалар иҗат йортында менә 10 ел инде «Күңелле акварель» берләшмәсе эшли, анда мәктәп яшендәге балалар матурлыкны гадәттә күрергә, үз идеяләрен һәм фантазияләрен кәгазьдә(кәгазьдә генә түгел) күрсәтергә өйрәнә.
Берләшмәдә сынлы сәнгать белән шөгыльләнү мәктәп дәресләренең дәвамы булып тора, әмма үзенчәлекләре бар. Чөнки алар чын-чынлап сынлы сәнгать белән кызыксынучылар өчен каралган, ә дәресләр төрле яшьтәге мәктәп укучыларының мәнфәгатьләрен һәм ихтыяҗларын исәпкә алып төзелгән.
Берләшмә эшенә 3 дистә елдан артык эш стажы булган педагог Гөлфия Билалова җитәкчелек итә.
-Дәресләрдә балалар рәсем ясауның традицион (буяулар һәм карандашлар) һәм традицион булмаган ысулларын (иреннәре, җепләре, бармаклары) өйрәнәләр. Иҗат белән мавыгучы кызлар һәм малайлар шулай ук декоратив - гамәли сәнгатьтә: аппликация, тукыма (батик), пыялада (витраж) күнекмәләрен үзләштерәләр, - ди кечкенәдән үк сынлы сәнгатькә гашыйк Гөлфия Шәүкәт кызы.
Чуаш Кичүе урта мәктәбен тәмамлаганнан соң Гөлфия Лениногорск сәнгать училищесында, аннары Казан дәүләт университетында белем ала. Эш елларында игътибарлы һәм сизгер остаз берничә дистә баланы матурлык кылырга өйрәтте.
Балалар иҗат йорты директоры Әнисә Гайфуллина хезмәткәр турында:
- Гөлфия Шәүкәт кызы бездә 10 ел эшли инде. Ул рәссам, педагог, безнең учреждениенең генә түгел, районның сәнгать тормышын да талантлы оештыручы. Үз эшенең остасы, балалар талантын танырга һәм үстерергә сәләтле. Бер генә чара да җәмәгать киңлекләрендә (паркларда, скверларда) бәйрәмнәр, күчмә күргәзмәләр, очрашулар, районныж йомгаклау чаралары булсынмы, аның карамагындагылар һәм аларның эшләре күргәзмәләреннән катнашыннан башка үтми. 2019 елда күпьеллык намуслы хезмәте өчен Гөлфия Билалова «Мәгарифтә казанышлары өчен» күкрәк билгесе белән бүләкләнде.
Әмма укытучы өчен иң мөһиме-тәрбияләнүчеләрнең уңышлары. Аның беренче чыгарылышлары-10 нчы сыйныф укучылары Эльза Хәлиуллина, Тимур Кирсанов, Лиана Мәрдегалләмова балалар һәм яшьләр өчен «Сынлы иҗат» Бөтенроссия конкурсының I дәрәҗә дипломантлары, «Иҗат һәм интеллект» Халыкара конкурсы, IV төбәкара конкурс-пленэр җиңүчеләре. Узган ел бу балалар бер ай дәвамында Казан дәүләт мәдәният институтында белем алган. Чыгарылыш сыйныф укучыларының эшләре шәһәр махсус мәктәпләре укучыларының эшләре белән ярыша. Безнең районга узган җәйдә Израиль, Финляндия, Черногория, якын чит илләрдән килгән профессиональ рәссамнарның күчмә пленэрга килүе, районның яшь рәссамнарына мастер-класс үткәрүе педагогның нинди дәрәҗәдә эшләвен күрсәтә.
-Һәр бала да рәссам була алмый, әмма аларны үзләштерү процессында тупланган гамәли күнекмәләр һәм теоретик белемнәр сәнгатькә гашыйк, белемле, кызыксынучан булырга ярдәм итәчәк, - дип саный безнең педагог.
- Рәсем ясау белән балалар бакчасыннан мавыгам,ә балалар иҗат йортында Гөлфия Шәүкәт кызы кул астында мин инде 4 ел. Ул һәрвакыт дөрес һәм матуррак килеп чыксын өчен ярдәм итә, төзәтә, ничек дөрес эшләргә кирәклеген күрсәтә. Түгәрәктә без рәсем ясауның төрле техникаларын өйрәнәбез. Монда мин пумаланы дөрес итеп тотарга, төрле буяуларны кушып кирәкле гамма алырга өйрәндем.
- Дәресләргә икенче ел йөрим. Миңа монда бик ошый. Бигрәк тә пейзаж ясарга яратам. Хәзер «Кичке урман» эшен төгәллим, бу картинада палитраның иң нәзберек төсмерләре кулланыла.
-Берләшмәдә мин 5 ел шөгыльләнәм. Гөлфия Шәүкәт кызы бик ягымлы, аңлаучан, игътибарлы, һәркемгә якын килә белә, ә бит без күп, һәркайсыбызның үз холкы. Мәктәптән соң мин Николай Фешин исемендәге Казан сәнгать училищесына рәссам-дизайнерга укырга, ә аннары инде институтка укырга керергә телим.
-Бервакыт чираттагы ял вакытында кызым Айзиләнең дәресенә килдем. Дәрес шултиклем мавыктыргыч барды ки, мине дә «үзенә алып кереп» китте. Хәзер мин Гөлфия Шәүкәт кызының җанатары, аның хезмәтенә гашыйк. Кулыма пумала һәм буяулар алмасам, көнем бушка үткән кебек. Йортыбыз диварлары кызым белән мин ясаган (язган) рәсем, картиналар белән тулган.