Әлкилеләр Габдулла Тукай укулары лауреаты һәм призеры булды

2021 елның 22 апреле, пәнҗешәмбе

Габдулла Тукайның мирасын өйрәнүгә багышланган “Без Тукайлы халык” Х республикакүләм Габдулла Тукай укуларында безнең район вәкилләре уңышлы проектлар белән катнашкан.

Иске Салман төп мәктәбенең 9 сыйныф укучысы Гүзәл Сөнкишева “Татарстан тарихында минем нәселем” дигән проект эше тәкъдим иткән. Үз эзләнүләренә нигезләнеп язылган Сөнкишевлар гаиләсе турындагы хезмәте өчен Гүзәлгә лауреат исеме бирелгән.

Юхмачы һәм Иске Чаллы мәктәпләренең татар теле һәм әдәбияты укытучылары Зилә Якупова һәм Люция Әхмәтшина исә Габдулла Тукай укуларының призерлары булган.