Начар метеорологик күренешләр турында шторм кисәтү
Хөрмәтле гражданнар! «Татарстан Республикасының гидрометеорология һәм әйләнә-тирә мохитне мониторинглау идарәсе» ФДБУ түбәндәгеләрне хәбәр итә:
Татарстан Республикасы территориясендә начар метеорологик күренешләр турында шторм кисәтү
2021 елның 14 маенда якындагы 1-3 сәгатьтә, 5-17 майда көндезге сәгатьләрдә Татарстан Республикасы территориясендә һава температурасы максималь булган көчле эсселек көтелә: +34..+35˚
Татарстан Республикасы буенча Русия ГТХМ Баш идарәсе халыкка тәкъдим итә:
- Йортта салкынча һава температурасын тотыгыз. Көндез тәрәзә һәм тәрәзә капкачларын ябыгыз (әгәр булса, бигрәк тә тәрәзәләр кояш ягына чыкса). Тәрәзәләрне һәм тәрәзә капкачларын төнгә, урамда һава температурасы бинаныкына караганда түбәнрәк булганда ачыгыз. Әгәр сезнең торагыгыз кондиционер белән җиһазланган булса, тәрәзәләрне һәм ишекләрне ябыгыз. вентиляторлар җиңеллек китерергә мөмкин, ләкин һава температурасы 35 градустан артык булганда, вентилятор җылылык авыруларыннан коткарып кала алмый. Күпләп су эчәргә кирәк.
- Эсседә булмаска тырышыгыз. Йортның иң салкын бүлмәсенә, бигрәк тә төнгә күчегез. Әгәр мөмкин булмаса, салкынча температураны сакларга тырышыгыз, көненә 2-3 сәгать салкынча биналарда (мәсәлән, кондиционерлар белән җиһазландырылган җәмәгать биналарында) үткәрегез. Тәүлекнең иң эссе вакытында урамга чыкмаска тырышыгыз. Интенсив физик йөкләнештән качыгыз. Күләгәдә булырга тырышыгыз. Туктап торган автомобильләрдә балаларны һәм хайваннарны калдырмагыз.
- Тән җылынуына юл куймагыз, сыеклыкны җитәрлек эчегез. Салкынча душ кабул итегез. Шулай ук салкын компресслар, юеш салкын сөлгеләрне кулланырга, тәнне салкын су белән сөртергә, аяклар өчен салкынча ванналар ясарга һ.б. Натураль тукымалардан җиңел һәм ирекле кием киеп йөрегез. Урамга чыкканда киң эшләпә яки кепка яки кояштан саклаучы күзлек киегез. Татлы һәм алкогольле эчемлекләрне кулланмагыз, су эчү режимын саклагыз.
- Тирә-юньдәгеләргә ярдәм итегез. Әгәр сезнең танышларыгызның берәрсе аномаль эсселеккә бәйле рәвештә сәламәтлеге өчен куркыныч янаса, аларга кирәкле ярдәмне итегез. Өлкән яшьтәге һәм ялгыз яшәүче кешеләр янына тәүлеккә кимендә бер тапкыр булса да барып килергә кирәк. Әгәр пациент ниндидер дарулар кабул итә икән, аны дәвалаучы табиб белән киңәшегез һәм бу даруларның организмның терморегуляциясенә һәм су балансына ничек йогынты ясавын ачыклагыз. Әгәр дә сезнең сәламәтлегегез белән проблемалар булса: даруларны 25 градустан түбән температурада яки суыткычта саклагыз (инструкцияне саклагыз), хроник авырудан интексәгез яки берьюлы берничә дару кабул итсәгез, медицина ярдәме сорап мөрәҗәгать итегез.
- Әгәр дә хзегез яки янәшәгездә кемдер үзен начар хис итсә.
Баш әйләнүе, хәлсезлек, тревога яки көчле сусауны һәм баш авырту тойсагыз, мөмкин кадәр тизрәк салкынча урынга күчәргә һәм тән температурасын үлчәргә тырышыгыз. Күбрәк су яки җиләк-җимеш согы эчегез, ял итегез. Мускулларның авыруын сизсәгез (барыннан да ешрак алар аякларында, кулларында яки корсакта, күп кенә очракларда, көчле эсселектә озак физик йөкләнеш нәтиҗәсендә), минераль алмашуны нормальләштерү өчен электролитлар булган эретмә эчегез. Әгәр җылылык спазмалары бер сәгатьтән артык туктамый икән, медицина ярдәме сорап мөрәҗәгать итәргә кирәк. Гаилә әгъзаларыннан яки сез карый торган кешеләрнең тәне коры һәм кызу булуын сизсәгез, һәм саташу, көзән җыеру яки аңы югалу халәте барлыкка килгән очракта, шунда ук ашыгыч ярдәм чакырыгыз. Медиклар килгәнче, зыян күрүчене салкынча урынга күчерегез һәм аякларын бераз күтәрелеп, аны горизонталь хәлдә яткырыгыз. Зыян күрүчене чишендерегез һәм суыткыч процедуралар үткәрә башлагыз: култык асты чокырлары һәм кендек тирәсенә, муенына салкын компресс куегыз, саф һава агымын тәэмин итегез, бүлмә температурасындагы суны тәнгә (20-25 градус) сибегез. Тән температурасын үлчәгез. Зыян күрүчегә парацетамол яки аспирин бирмәгез. Әгәр дә ул аңсыз икән аны янлый салыгыз.