Татарстанда “Игътибар - балалар!” дигән профилактик чара старт ала
Балалар катнашындагы юлтранспорт һәлакәтләрен кисәтү максатыннан, 20 майда Татарстанда “Игътибар – балалар!” профилактик чарасына старт бирелде. Ул 3 июньгә кадәр дәвам итәчәк.
Искәртеп үтәбез: 2021 елның 4 аенда республика юлларында 16 яшькә кадәр балалар катнашында 124 юл-транспорт вакыйгасы булды. Аларда 6 баланың гомере өзелде, 128 бала төрле дәрәҗә тән җәрәхәтләре алды. Бу 2019 елның шул чорындагыдан шактый артык.
Статистик мәгълүматларга анализ күрсәткәнчә, 16 яшькә кадәрге балалар катнашындагы барлык юл-транспорт һәлакәтләренең өчтән бере җәй айларында була. Әйтик, 2020 елның июненнән августына кадәр 166 юл-транспорт һәлакәте булган, аларда 1 бала үлгән (2020 елда барлыгы 9 бала үлгән) һәм 173 бала зыян күргән. Ел дәвамында теркәлгән мондый юл-транспорт һәлакәтләренең гомуми саныннан өлеше 35,6% тәшкил итә.
«Игътибар - балалар!» чарасы кысаларында Татарстан Республикасы буенча Эчке эшләр министрлыгының дәүләт автоинспекциясе тарафыннан оештырылачак:
- балаларны йөртү кагыйдәләрен бозуларны профилактикалауга юнәлдерелгән машина йөртүчеләрне тикшерү буенча чаралар;
- яктылык кайтаручы элементларны популярлаштыру буенча чаралар;
- балигъ булмаганнар тарафыннан юл хәрәкәте кагыйдәләрен бозуларны кисәтүгә юнәлдерелгән акцияләр, алар барышында мондый фактлар турында мәгълүмат алга таба профилактик эш алып бару өчен мәгариф оешмаларына җибәреләчәк;
- Дәүләт автоинспекциясе хезмәткәрләре катнашында юлларда балаларның куркынычсыз үз-үзен тотышы мәсьәләләре буенча ата-аналар җыелышлары;
- сәламәтләндерү лагерьларында балаларда юлларда үз-үзеңне тоту күнекмәләрен ныгыту буенча конкурслар, викториналар һәм башка чаралар;
Татарстан Республикасы буенча ЭЭМ Дәүләт автоинспекциясе юл хәрәкәтендә катнашучыларның барысын да игътибарлы һәм сак булырга чакыра.
Ата-аналар үз балаларының куркынычсызлыгына җитди карарга тиеш. Балалар үзләре өчен куркыныч тудыручы урыннарда, шул исәптән юл янында да, караучысыз калмауны кайгыртырга кирәк. Россия Федерациясе Юл хәрәкәте кагыйдәләренең 22.9 пункты нигезендә 7 яшьтән кечерәк булган балаларны җиңел автомобиль һәм йөк автомобиле кабинасында ташу, аларның конструкцияләрендә куркынычсызлык каешлары яки куркынычсызлык каешлары каралган һәм ISOFIX балаларны тотып тору системасы балаларның авырлыгына һәм үсешенә туры килә торган махсус системаларын (җайланмаларны) кулланып башкарылырга тиеш. Шуның белән бергә, Дәүләт автоинспекциясе балаларны балалар утыргычында хәтта 7 яшькә җиткәч тә йөртергә киңәш итә.
Исегездә тотыгыз: балалар-юл хәрәкәтендә иң якланмаган катнашучылар