Укып бетерүчеләрне зур сынау көтә

Бердәм дәүләт имтиханнары, бердәм республика имтиханнары һәм дәүләт чыгарылыш имтиханнары формасындагы мәҗбүри дәүләт (йомгаклау) аттестациясе республиканың гомуми белем учреждениеләренең ХI (ХII) сыйныфларын бетерүчеләр өчен түбәндәге көннәргә билгеләнде:
27 май, дүшәмбе – рус теле буенча БДИ;
30 май, пәнҗешәмбе –информатика һәм ИКТ, биология, тарих буенча БДИ, татар теленнән БРИ;
3 июнь, дүшәмбе – математика буенча БДИ;
6 июнь, пәнҗешәмбе – чит телләр, физика буенча БДИ, татар әдәбиятыннан БРИ;
10 июнь, дүшәмбе – җәмгыять белеме, химия;
13 июнь, пәнҗешәмбе – география, рус әдәбияты;
15 июнь, шимбә – информатика һәм ИКТ, биология, тарих, физика, чит телләр буенча резерв көн, татар теленнән БРИ;
17 июнь, дүшәмбе – җәмгыять белеме, география, рус әдәбияты, химия буенча резерв көн; татар әдәбиятыннан БРИ;
18 июнь, сишәмбе – математика буенча резерв көн.
Унберенче классны бетерүчеләр география һәм рус әдәбиятыннан бердәм дәүләт имтиханнарын 13 июньдә Чистайда тапшырачак.
15 һәм 17 июнь – резерв көннәр, информатика һәм ИКТ, биология, тарих, физика, инглиз теле буенча БДИны 15 июньдә тапшыручылар имтиханнарны Казанга барып тапшырачак. Татар теленнән БРИ.
17 июньдә җәмгыять белеме, география, рус әдәбияты, химия буенча имтиханнарны Казанда тапшырачаклар. Татар әдәбияты буенча БРИ.
Имтиханнар кабул итү буенча төп пункт - Н.Дәүли исемендәге гимназия, Базарлы Матак. Имтиханнар 10.00 сәгатьтә башлана.
Чыгарылыш сыйныфлар укучылары, БДИ ны оештыручылар, җәмәгать күзәтүчеләре, хокук саклау органнары вәкилләре, медицина хезмәткәрләре имтихан кабул итү пунктына 8.30 сәгатьтә килеп җитәргә, үзләре белән паспортларын, төп эш урыннарыннан имтиханда катнашуга җибәрү турында боерык алып килергә тиешләр.
Имтиханнар тапшыру тәртибе турында сораулар белән мәктәп директорларына, аларның урынбасарларына, 11 нчеләрнең сыйныф җитәкчеләренә, мәгариф идарәсендә Нурания Заһидуллинага – (кайнар линия–- 20-0-29) мөрәҗәгать итәргә була.
Тулырак мәгълүматны ТР Мәгариф һәм  фән министрлыгының www.mon.tatarstan.ru, www.edt.edu.ru сайтында табарга була.