Әлки районында ветераннар һәм пенсионерлар район иҗтимагый оешмасының хисап-сайлау конференциясе узды
Конференция барышында ветераннар активы район мәдәният бүлеге белән берлектә делегатлар һәм кунаклар игътибарын җәлеп иткән сәнгать-гамәли иҗат күргәзмәсе оештырдылар.
Конференциядә катнашучылар һәм чакырылган кунаклар җирле оешма җитәкчесе Ришат Хәлиуллинның 2016-2021 елларда ветераннар (пенсионерлар) Советының эш нәтиҗәләре һәм киләсе чорга бурычлар турында докладын тыңладылар һәм фикер алыштылар. Ришат Әсәтович район җитәкчелеге тарафыннан Ветераннар активына даими ярдәмен билгеләп үтте.
Аннары фикер алышуларда пенсионер Владимир Кузнецов (Юхмачы), Нәфисә Гыйльметдинова (Чуаш Кичүе), җирле инвалидлар җәмгыяте рәисе Вайыз Даутов һәм башка катнашучылар чыгыш ясады.
Җыелганнарга мөрәҗәгать итеп, район үзәк хастаханәсе баш табибы урынбасары Александр Плаксин өлкән яшьтәге кешеләрне коронавирус инфекциясеннән вакцинацияләү мәсьәләсенә игътибар итте, ул үзләренә прививкалар ясатырга, шулай ук пенсионерлар арасында үз авылларында аңлату эшләре алып барырга киңәш итте.
Аннары оешманың яңа составын һәм рәисен сайладылар, ачык тавыш бирү юлы белән Татарстан ветераннарының (пенсионерларының) төбәк иҗтимагый оешмасы конференциясенә делегатлар сайланды. Район ветераннар һәм пенсионерлар иҗтимагый оешмасы рәисе итеп бертавыштан үзен җирле иҗтимагый оешма белән җитәкчелек иткәндә яхшы яктан күрсәтергә өлгергән Ришат Хәлиуллин сайланды.
Конференция ахырында җирле оешма активистларын Рәхмәт хатлары һәм мактау билгеләре белән бүләкләделәр