Әхмәт төп гомуми белем бирү мәктәбе базасында «Алтын көз» дип исемләнгән мәктәп яны лагере эшли башлады
Көзге каникуллар вакытында Әхмәт төп гомуми белем бирү мәктәбе базасында «Алтын көз» балалар өчен көндезге лагерь эшли башлады. Сменаның юнәлеше: спорт-сәламәтләндерү, интеллектуаль һәм рухи үсеш, уен чаралары, танып-белү һәм хезмәт эшчәнлеге. «Алтын көз» сәламәтләндерү лагеренда 10 бала көзге каникулларда көндезге ял итә.
Беренче көн, 1 ноябрьдә, лагерьда булу "Якынрак танышыйк" лозунгы астында узды.
Һәр бала үзе турында, үзенең мавыгулары, теләкләре турында сөйләде. Бу көнне балалар отряд почмакларын рәсмиләштерделәр, девиз, речевкалар өйрәнделәр. Отрядларда иҗади эштән соң балалар «Күңелле стартлар» спорт чарасында бик теләп катнаштылар. Чара бик кызыклы үтте, балалар викториналарда һәм эстафетада рәхәтләнеп катнаштылар. Командаларда дуслык хисе, иптәшләрчә ярдәм сизелде. Барлык балалар да үз командасын уңайсыз хәлдә калдырмаска тырыштылар. Балалар күтәренке кәеф алдылар, сәламәт яшәү рәвеше турында белемнәрен тулыландырдылар.
Лагерь эшенең икенче көне, 2 ноябрьдә, “Көзге көн” дип исемләнде. «Рус көзе. Гадәтләр һәм традицияләр » викторинасын үткәрелде. «Безнең өстәл өстендәге ризыклар. Файдалы һәм бик үк түгел» темасына әңгәмә, аннары «Минем яраткан әкиятләрем» викторинасын үткәрделәр.