Әлки районындагы янгыннарның төп сәбәпләре нинди
Безнең район да искәрмә түгел. 2020 ел белән чагыштырганда янгыннар санының артуы 13,8 процент тәшкил итә. Узган ел эчендә 31 янгын очрагы булды, ә быел 10 айда гына 36 янгын булды. Аппак, Түбән Кәчи, Иске Сәлман авыл җирлекләрендәге янгыннар белән хәлләр аеруча начар.
Унбиш тапкыр янгын сүндерүчеләр торак сектордагы янгыннарга чыкты, 18 очракта чүп-чар чүплекләрендә ут сүндерү, шулай ук коры үлән яну буенча чаралар күрелде.
Янгыннарның төп сәбәпләре нинди? Барлык янгыннарның яртысын ут белән саксыз эш итү факты тәшкил итә. Электр җиһазларын кулланган вакытта техник чараларын дөрес үтәмәү аркасында-13 янгын, ә дүрт очракта мичләрне куллану һәм урнаштыру кагыйдәләрен бозган хуҗалар гаепле.
Урамда салкыннар башланды. Кызганычка каршы, электр һәм утын мичләреннән файдалануның гади кагыйдәләрен үтәмәүчеләр, аларны караучысыз калдыручылар яки кечкенә балаларны да аларга ышанып тапшыручылар да бар.
Соңгы елларда янгын куркынычсызлыгын тәэмин итүдә автоном янгын хәбәрчеләре (АПИ) мөһим функция уйный. Бу техник чаралар янгын аркасында килеп чыккан физик параметрларның үзгәрүенә җавап бирә.
АПИ күп кенә ялгыз карт гражданнарның һәм күп балалы гаиләләрнең йортларында урнаштырылган. Хәбәрчеләр, чыннан да, кешеләрнең тормышын коткара. Тик бу җайланмалардагы батарейларны вакытында алыштыру мөһим.
Радис Инсапов,
янгын күзәтчелеге буенча Әлки һәм Спас районнары буенча баш дәүләт инспекторы.