Инженерлар кадастр хезмәте күрсәтә

Әлеге оешма үз сафларында җир төзелеше һәм күчемсез милек объектларын техник инвентарьлаштыру өлкәсендә эшләүче әйдәп баручы профессионалларны берләштерә һәм үз әгъзаларына һөнәри җитешсезлекләрен алып бару өчен шартларны тәэмин итү өчен булдырылды. Ул шулай ук үтәлергә тиешле стандартларны  эшли һәм раслый, өсләреннән контрольлек итә, кирәк икән, дисциплинар йогынты чараларын да күрә.
Оешма шулай ук үз әгъзалары эшчәнлеген ачык итү өчен кирәкле мәгълүматны массакүләм мәгълүмат чараларында, оешманың интернет-сайтында (www.np-okirt.ru) бастыра, кадастр инженерлары һәм кадастр эшләренә заказ бирүчеләр арасында бәхәсләрне хәл итешә. Оешма кысаларында аның әгъзаларын укыту, квалификацияләрен күтәрү оештырыла, кадастр исәбен гамәлгә ашырганда кирәкле документларны әзерләүдә методик һәм гамәли ярдәм күрсәтә.
Оешмада әгъза булып тору кадастр инженеры эшенең сыйфатына өстәмә гарантия дә әле ул, чөнки инженер  эшчәнлеге өчен оешма компенсацияләү фонды средстволары чикләрендә субсидия җаваплылыгына ия бит.
Өстә әйтелгәннәрдән чыгып шуны ассызыклыйсы килә: шәхси эшмәкәр яки юридик зат белән кадастр эшләренә килешү төзегәндә, сез аның үзенең кадастр инженерлары оешмасында әгъзалык таныклыгы бармы  икәнлеген ачыклый аласыз. Шулай ук сезнең күчемсез милекне яисә җир кишәрлеген формалаштыру һәм исәпкә кую буенча кадастр органына җибәреләчәк документларны коммерцияле булмаган оешмада әгъза булып торучы кадастр инженерларыннан әзерләтү һәм кул куйдыру теләген белдерергә дә хокукыгыз бар.