Әлки районы балалары Казанда Президент чыршысында катнашты

2021 елның 29 декабре, чәршәмбе

Кунакка районыбыздан 20 бала барды. Алар арасында фән олимпиадалары һәм спорт ярышларында җиңүчеләр, күпбалалы һәм тәрбиягә алган гаиләләрдән балалар: Татар Борнаеннан Елизавета Трофимова - билбау көрәше буенча Бөтенроссия ярышларында җиңүче, Базарлы Матактан Энҗе Идиятуллина - су полосы буенча “Актай” командасына һөҗүмче, Хлебодаровкадан килгән Арина Кузнецова - татар теле буенча мәктәп укучыларының республика олимпиадасында җиңүче.

«Без сезнең җиңүләрегез белән горурланабыз. Барысы да төрле, әмма сезне хезмәт һәм тырышлык, җиңүгә омтылыш, битараф булмау берләштерә», - дип билгеләп үтте республика Президенты Рөстәм Миңнеханов үзенең котлавында.