Әлки районында Раштуаны йола җырлары белән каршы алдылар
Демидовка авылы урамнары буйлап авыл халкы әкият һәм мифик персонажлар киемнәрен киенеп, йола җырларын җырлап узды. Монда бөдрә чегән дә, йонлач сарык та, солдат та, әлбәттә, Кыш Бабай да, аның кызын да күрергә мөмкин иде.
- Раштуа бәйрәме алдыннан өйдән - өйгә йөрү күптәнге традиция, аны авыл халкы хәтта дин тыелган елларда да онытмаган. Һәр йортта бу күңелле процессны түземсезлек белән көтәләр. Тәм-томнар, Раштуа прәннекләре һәм печенье белән каршы алалар. Җырларны да үзләре башкара, - ди Демидовка клубы мөдире Роза Әюпова. Баксаң, бәйрәмнең алыштыргысыз атрибуты - бодай чәчү (юмалау) да. Авылда үзенең данлыклы уңышлары белән бакчада таныш уңган хуҗабикә Ирина Мартазова һәр йортка байлык һәм иминлек билгесе белән ашлык сипте. Хуҗалар аны җыярга, язын чәчәргә яисә терлекләргә ашатырга тиеш. Шундый гадәт.
Котлауларга бигрәк тә өлкән яшьтәге авылдашлар шат, кайчандыр алар үзләре дә өйләргә йөреп җырлар башкарды,күңел ачкан, коткаручы тууы турында яхшы хәбәр белән уртаклашкан бит.