Балаларыгызны бәладән саклагыз!

Бүген электрдан башка яшәүне күз алдына да китереп булмый. 
Без һәр җирдә – өйдә, эштә, урамда, мәктәптә электрдан файдаланабыз.
Әти-әнинең иң кыйммәтле байлыгы – балалар. Һәркем балалары турында кайгырта, аларның сәламәт һәм бәхетле булып үсүләрен тели. Җәйге каникул көннәрендә әти-әниләр гел генә балалары янәшәсендә булып бетә дә алмый, шуңа күрә балаларга урамда үзеңне ничек тотуның берничә гади кагыйдәсен аңлату зарур. Әлеге кагыйдәләр менә нидән гыйбарәт:

1. Трансформатор подстанцияләре территориясенә һәм биналарына керергә, электр җайланмаларының ишекләрен ачарга, коймалар һәм барьерлар аша анда үтеп керергә ярамый.
2. Электрүткәргеч линияләр баганаларына менү кеше өчен куркыныч.
3. Электрүткәргеч линияләр тирәсендә уйнарга, алар астында учак ягарга ярамый.
4. Салынып төшкән яисә өзелеп җиргә төшкән электр чыбыгына юлыксагыз, электр җайланмаларының ишекләре, люклары ачылуын, шулай ук электр баганасының зарарланган икәнен күрсәгез, бу хакта кичекмәстән 20–1–05 телефоны буенча электр челтәрләренең район предприятисенә хәбәр итегез.
5. Өзелгән электр чыбыгына 10 метрдан да якынрак килү, бигрәк тә аңа кагылу бик куркыныч.
6. Электр чыбыкларына тимерчыбык яисә бүтән әйберләр ташларга, изоляторларны ватарга ярамый.
7. Йорт подъездларындагы  һәм баскычлардагы электр щитларын ачарга ярамый.
8. Электр челтәрләре объектларында кисәтү билгеләре һәм плакатлар бар. Кайвакыт шаярып-уйнап аларны урыннарыннан төшерәләр. Бу бүтән кешеләрнең тормышы өчен куркыныч тудыра.
Хәвефсезлек кагыйдәләрен үтәгез һәм балаларыгызны саклагыз.