Санитар Кагыйдәләрдә үзгәрешләр
Роспотребнадзорның Татарстан Республикасы (Татарстан) буенча идарәсенең Нурлат, Аксубай, Әлки, Чирмешән районнарында территориаль бүлеге хәбәр иткәнчә, агымдагы эпидемиологик ситуацияне исәпкә алып, Кулланучылар хокукларын яклау һәм кеше иминлеге өлкәсендә күзәтчелек буенча федераль хезмәт 1/2.4.3598-20 СК "COVID-19 таралу шартларында мәгариф оешмалары һәм балалар һәм яшьләр өчен социаль инфраструктураның башка объектларын төзүгә, карап тотуга һәм оештыруга карата санитар-эпидемиологик таләпләр" үзгәрешләр кертте.
Санитар-эпидемиологик кагыйдәләргә үзгәрешләр коронавирсның яңа штаммасы таралган шартларда мәгариф оешмалары һәм балалар һәм яшьләр өчен социаль инфраструктураның башка объектлары эшчәнлегенә кагыла.
Яңа документта түбәндәге үзгәрешләр беркетелгән:
- һәр сыйныфка аерым уку кабинетын беркетү буенча таләп юкка чыгарылды;
- укучылар арасында парта артына 1әр кеше зигзаглы утырту ярдәмендә 1,5 метрдан да ким булмаган социаль дистанцияне аттестацияләү үткәрү урыннарында үтәү таләбе гамәлдән чыгарылды;
- әгәр дә бала COVID-19 авыручы белән контактта булса, белем бирү оешмасына килгәндә медицина белешмәсе бирү таләбе юкка чыгарылган. Шул ук вакытта авырганнан соң белешмә булу мәҗбүри.
- укучылар арасындагы элемтәләрне минимальләштерү өчен дәресләр төрлечә һәм үзгәртеп башлау таләпләре юкка чыгарылды;
- балалар һәм яшьләр өчен оешмаларда ачык һавада массакүләм чаралар үткәрү рөхсәт ителә;
- Җәйге сәламәтләндерү учреждениеләренең сыйдырышлылыгын 100% ка кадәр арттыру,
- шәһәр яны җәйге сәламәтләндерү учреждениеләре персоналын смена башланыр алдыннан COVID-19ның антиген билгели торган ысулларның теләсә кайсысын кулланып тикшерү саклана.
- шул ук вакытта смена дәвамында атна саен тест үткәрү гамәлдән чыгарылган.
- сулыш органнарын шәхси саклану чараларын кулланып һәм соңгы 6 ай дәвамында вакцинация яисә күчергән авыру турында мәгълүмат яки антител булганда социаль оешманың эшчәнлеге белән бәйле булмаган затларга керергә рөхсәт ителә.
Эпидемиягә каршы чаралар комплексы: ачылыр алдыннан генераль җыештыру, дезинфекцияләүче чаралар кулланып җыештыру, азык-төлек блоглары персоналының битлек киеп йөрүе һ.б. саклана.
Балалар һәм яшьләрнең сәламәтлеген саклау буенча вәзгыять Роспотребнадзорның аерым контролендә кала бирә.