Татарстан Республикасы идарәче кадрлар резервына конкурс нигезендә сайлап алу
Бәяләү процедураларын уңышлы узган очракта, мөмкин:
Татарстан Республикасы үсешенә юнәлдерелгән проектны тәкъдим итәргә һәм гамәлгә ашырырга;
республиканың иң яхшы идарәчеләре командасына эләгергә;
Татарстанның югары җитәкчелеге составында остаздан консультацияләр алырга (Татарстан Республикасы Дәүләт Советы Рәисе; Татарстан Республикасы Премьер-министры; Татарстан Республикасы Президенты Аппараты җитәкчесе; Татарстан Республикасы Премьер-министры урынбасарлары);
Региональ һәм федераль дәрәҗәдәге иң яхшы экспертларны җәлеп итеп әзерләү буенча махсуслаштырылган программа үтәргә.
Татарстан Республикасы Идарәче кадрлары резервына конкурс нигезендә сайлап алуда катнашу хокукына югары һөнәри белемле һәм идарә итү эшчәнлеге стажы булган Россия Федерациясе гражданнары ия. Кандидатларга карата җентекле таләпләр Татарстан Республикасы Идарәче кадрлар резервын формалаштыру, әзерләү һәм куллану тәртибе турындагы Нигезләмәдә күрсәтелгән.
Конкурста катнашу өчен кирәкле документлар:
а) шәхси мәгълүматларны эшкәртүгә ризалык белән шәхси гариза;
б) Нигезләмәнең 11 пункты нигезендә кандидатны тәкъдим иткән зат тарафыннан имзаланган характеристика;
в) белешмә-объективка (кәгазьдә һәм электрон рәвештә);
г) сәламәтлеге торышы турында документ.
Документлар 2022 елның 8 апреленнән 7 майга кадәр түбәндәге адрес буенча кабул ителә: Казан шәһәре, Кремль, 9 корпус, эш көннәрендә 102 кабинет.
Өстәмә мәгълүмат алу өчен (843) 567 - 88 - 62 телефоны аша яисә Adel.Bayazitov@tatar.ru электрон почтасы аша мөрәҗәгать итәргә мөмкин.