Һәркемнең ялга хакы бар

Югарыда аталган Законның  2 нче маддәсе нигезендә, эш көннәрендә 22 сәгатьтән 6 сәгатькә кадәр һәм ял көннәрендә 22 сәгатьтән 9 сәгатькә кадәрге вакыт төнге вакыт дип билгеләнә.
Гражданнарның төнге вакытта тынычлыкларын һәм тынлыкны бозучы гамәлләргә түбәндәгеләр керә: телевизорлар, радиоалгычлар, магнитофоннар һәм бүтән тавыш чыгаручы җайланмалар, шулай ук тавыш көчәйтү җайланмалары куллану, шул исәптән аларны транспорт чараларына, сәүдә, җәмәгать туклануы объектларына, күңел ачу үзәкләренә урнаштыру, һәм аларның төнге сәгатьләрдә кешеләрнең тынычлыгын бозуга китерүе. Берничә мәртәбә эшләп китә торган саклык сигнализациясенең, шул исәптән транспорт чараларына урнаштырылган сигнализациянең тавыш сигналларын үзвакытында сүндермәү яисә төзек булмаган саклык сигнализациясен файдалану, һәм моның төнге вакытта гражданнарның тынычлыгын бозуга китерүе; төнлә кешеләрнең тынычлыгын бозып пиротехника чараларын файдалану, музыка уен коралларында уйнау, кычкыру, сызгыру, җырлау, шулай ук тавыш чыгаруга китерүче бүтән гамәлләр, ремонт, төзелеш, төяү-бушату эшләре башкару, һәм моның кешеләрнең тынычлыгын бозуы да законсыз гамәлләр санала.
Әлеге законны бозган өчен Татарстан Республикасы Административ хокук бозулары турында кодексының 3.8 маддәсе нигезендә  административ җаваплылык каралган. Гражданнарга бу – бер мең ярымнан ике мең сумга кадәр күләмдә штраф, вазыйфаи затларга – 15 меңнән 20 мең сумга  кадәр штраф, ә юридик затларга – 60 меңнән 70 мең сумга кадәр штраф.
Хөрмәтле әлкилеләр, сәүдә һәм күңел ачу урыннары хуҗалары, ял итүчеләр һәм бәйрәм итүчеләр! Әйдәгез, бер-беребезгә үзара ихтирамлы мөнәсәбәттә булыйк, үзебезнең бәйрәм итүгә хокукыбызны файдаланганда бүтәннәрнең ял итү хокукларына хилафлык китермик!