Иртәгә – Хәтер һәм кайгы көне

Моннан 72 ел элек 22 июнь таңында Гитлер фашистлары гаскәрләре илебезгә явызларча басып керәләр. 4 елга сузылган Бөек Ватан сугышында миллионнарча совет кешеләре ил азатлыгын саклап һәлак була, авыл-шәһәрләр яндырыла. Әмма халыкның рухы сынмый, бу канкойгыч сугыш совет иленең зур Җиңүе белән тәмамлана. Әлки халкы да Бөек Җиңүгә зур өлешен кертте. 8950 райондашыбыз яу кырына китеп, аларның 5267се изге сугышта башларын салды. Бөек Ватан сугышы корбаннарының якты истәлеген кадерләп саклыйк, аларга мәңге рәхмәтле булыйк.