Россия Табигать күзәтчелегенең Идел-Кама Төбәкара идарәсе җитәкчесе урынбасары Лилия Әхәт кызы «Белемеңне уртаклаш» акциясе кысаларында Базарлы Матак мәктәбендә «Экология» ачык дәресе үткәрде.

Ул балаларга Кеше эшчәнлегенең әйләнә-тирәлеккә йогынтысы, табигатьне саклау, табигатьне саклау эшчәнлегенә юнәлтелгән милли проектлар, фән казанышлары һәм яңа технологияләр турында сөйләде.

Лилия Әхәт кызы үз дәресен  «Экология-һәркемнеке» халыкара премиясе турында мәгълүмат белән тәмамлады, балаларны анда актив катнашырга, үз проектлары һәм экологик акцияләре турында сөйләргә өндәде.