Татарстанда ипотека килешүләре үсеше теркәлгән
Бу хакта агымдагы елның октябрь аенда алынган Татарстан Росреестры мәгълүматлары дәлилли.
Әйтик, май-июль айларының иң түбәннәре белән чагыштырганда, октябрьдә ипотекаларны теркәүнең гомуми саны ике тапкыр арткан: 4,5-5 меңнән 9,2 меңгә кадәр күчемсез милек объектларының төрләре буенча торак урыннарга ипотекалар саны (май аенда 2,1 меңнән 4,6 меңгә кадәр) һәм җир кишәрлекләре (май аенда 1,4 мең һәм 2,8 мең октябрьдә).
Агымдагы елның 10 аенда гына да Татарстан Росреестры тарафыннан 78,5 мең ипотека теркәлгән, шуларның 37,2 меңе – торак булмаган биналарга, 1,7 меңе – торак булмаган һәм 26,1 меңе – җир кишәрлекләренә.
«Татарстанда ипотека базарында уңай динамика җәй ахырыннан күзәтелә башлады һәм бүгенге көнгә кадәр дәвам итә. Әйтик, августта безнең ведомство тарафыннан 8,7 меңгә якын ипотека теркәлгән, сентябрь һәм октябрь айларында –9 меңнән артык. Иң зур үсеш – ике тапкыр – фатирларга һәм җир участокларына ипотека күрсәтте. Шунысы игътибарга лаек, кредит алу белән бәйле килешүләр дә артты. Элегрәк хәбәр иткәнчә, сентябрьдә мондый килешүләр 5 меңнән артык булган, октябрь нәтиҗәләре буенча – 7,5 мең, ягъни үсеш 45% тәшкил иткән», - дип шәрехли Росреестрның Татарстан Республикасы буенча идарәсе җитәкчесе урынбасары Лилия Борһанова.
Ведомство вәкиле сүзләренә караганда, җәй айлары белән чагыштырганда күчемсез милек базары, гомумән алганда, активрак. Әйтик, икенчел күчемсез милек базарында сату-алу килешүләре нигезендә хокук күчешләре саны җәйге чорда 13 меңнән октябрьдә 18,5 меңгә кадәр арткан.
Агымдагы елда районнар киселешендә күчемсез милек белән сату итү саны буенча Казан (15414) һәм Яр Чаллы (5 938) лидерлар булдылар. Районнар арасында - Түбән Кама (2 724), Әлмәт (2 407), Питрәч (2 382), Яшел Үзән (1991), Лаеш (1394), Алабуга (1137), Бөгелмә (1 117), Биектау (1 042).
Татарстан Росреестры мәгълүматлары буенча, август аеннан башлап төбәктә яңа төзелешләрдә күчемсез милеккә ихтыяҗ арта. Май-июнь айларында өлешләп катнашу буенча 500-600 килешү теркәлгән булса, алдагы айларда – ике тапкыр диярлек күбрәк. Гомумән алганда, 2022 елның 10 аенда 15 мең уңай җавап теркәлгән, бу узган ел белән чагыштырырлык.
Татарстан Росреестрына гыйнвардан октябрьгә кадәр исәпкә алу-теркәү гамәлләренә барлыгы 957 мең гариза килгән, бу узган ел белән чагыштырганда 80 меңгә күбрәк. Элеккечә торак урыннарга - 243 мең (+2%), җир кишәрлекләренә – 191 мең (+4,8), машина урыннарына-8 меңнән артык (+30,2%) хокук теркәлгән.