2021 һәм 2022 елларда эш бирүчеләр өчен күчеш чоры гамәлдә

Быел салым уведомлениесенә беренче тапкыр физик затлар кеременә 5 млн сумнан артып киткән салым базасыннан исәпләнгән салым суммасы кертелгән.

Искәртеп узабыз, салым чорында 5 млн сумнан артык физик затларның кеременә карата 15% күләмендә НДФЛ ставкасы 2021 елның 1 гыйнварыннан кертелгән.

Әйтик, әлеге датадан НДФЛ буенча төп салым ставкасы түбәндәге күләмдә билгеләнгән:

13% - салым чорында салым базалары суммасы 5 млн сумнан ким булса яки 5 млн сумга тигез булса;

15% - салым чорында салым базалары суммасы 5 млн сумнан артык булса.

Әлеге салым ставкасы, башка салым ставкалары буенча салына торган керемнәрдән тыш, физик затның — салым салынырга тиешле РФ Салым резидентының барлык керемнәре җыелмасына карата кулланылырга тиеш (РФ НК 224 статьясының 1 пункты).

Билгеләп үтик, 2021 һәм 2022 елларда салым агентлары (эш бирүчеләр) өчен күчеш чоры гамәлдә, анда салым һәр Керем төре буенча исәпләнә. Моннан тыш, НДФЛ суммасын салым агенты башка салым агентларыннан алынган керемнәрне һәм башка салым агентлары тоткан салым суммаларын исәпкә алмыйча исәпли (РФ НК 226 маддәсенең 3 пункты).