Озын яллардан соң эшкә ничек стресссыз кайтырга

Кайвакыт озак көтелгән бәйрәмнәр, шул исәптән Яңа елның традицион атналык ялы җитди стресс киререп чыгара, эш ритмына җайлашу өчен вакыт кирәк. Бәйрәмнәрдән соң беренче көнне йөкләнешне мөмкин кадәр чикләргә тырышыгыз. Хезмәт батырлыгын тиз арада башкарырга кирәкми, организм нормага килгәнне көтеп тору яхшырак. Артыгын тырышып, авырып китәргә мөмкинсез һәм әлбәттә инде, ул чагында, эшегез күбрәк тә калачак.

Эшкә чыгар алдыннан будильник куегыз, организмны бераз иртәрәк уянырга әзерләгез, йокларга соң ятмагыз. Соңгы көннәрдә туклану шулай ук уртача булырга тиеш, файдалы җиңел продуктлар ритмны торгызырга ярдәм итәчәк. Татлы ризыкларны, газлы һәм алкоголь эчемлекләрне кулланмаска тырышыгыз. Организм акрынлап яңа ритмга ияләшә, һәм иң катлаулылары, гадәттә, беренче өч көн була, шуңа күрә каникул вакытында ук аны күнектерә башларга кирәк.

Кайберәүләр өчен бәйрәмнәр - ял итү һәм “туарылып” китү өчен өстәмә сылтау. Әгәр бу сезнең турында икән, берничә көн эчендә гадәткә кергән рационнан ничек читләшергә икәнлеге турында уйлагыз. Күпләр Яңа елдан дөрес туклана башларга хыяллана, ләкин килеп чыкмый икән, нигә гыйнварның беренче эш көненнән сәламәт яшәү рәвешенә күчмәскә? Төшке ашны өйдән алыгыз, игътибарны яшелчәләргә юнәлтегез, ә эшкә барганда круассан белән татлы кофе урынына яшел чәй һәм табигый йогурт сатып алыгыз. Эш ритмына тиз әйләнеп кайтырга һәм беренче көннәрдән үк катлаулы мәсьәләләрне хәл итәргә ярдәм итә торган дөрес ризыклар тупларга киңәш итәбез.

Озын бәйрәмнәрдән соң эшкә кайту күңел ачу тәмамлану һәм рутина башлану белән ассоциацияләнә. Бәйрәмнән соңгы ялкаулыкка бирелмәс өчен, сезне сигез сәгатьлек графиктан тыш көткән перспективаларны исегезгә төшерегез. Мәсәлән, алдагы ял көннәренә театрга билетлар сатып алыгыз яки дуслар белән җомга көнне кич белән очрашырга сөйләшегез.

Безнең бер яки берничә киңәшебезне гамәлдә кулланыгыз, һәм яңа ел бәйрәмнәре һәм эш көннәре арасындагы чик тә бик сизелмәс.