Түбән Әлки авыл җирлегендә хисап концерты узды

2023 елның 3 феврале, җомга

Татарстан Республикасында Милли мәдәниятләр һәм традицияләр елына һәм Россия Федерациясендә педагог һәм остаз елына багышланган үзешчән халык иҗаты смотр-конкурсы кысаларында Түбән Әлки авыл җирлегенең хисап концерты узды.

Әлкилеләр Әлки районы авыл җирлекләре һәм оешмаларының иҗат коллективлары эстафетасын ачты. Үзешчән сәнгатьтә катнашучылар үзләренең җырлары, биюләре һәм тамашалары белән сөендерделәр. Авыл клубының тамаша залы тамашачылар белән тулы иде, алар артистларның чыгышларына һәрвакыт шат. Концерт югары дәрәҗәдә узды, бу хакта рәхмәтле тамашачылар алкышларыннан чыгып фикер йөртергә мөмкин.