Май чабуга азык-төлекне ничек дөрес сайларга?
20-27 февраль көннәрендә кулланучылар хокукларын яклау һәм кеше иминлеге өлкәсендә күзәтчелек федераль хезмәтенең Татарстан Республикасы буенча идарәсенең Нурлат, Аксубай, Әлки, Чирмешән районнарындагы территориаль бүлеге Май чабуга азык – төлек продуктларын ничек сайларга кирәклеген искә төшерә. Күпчелек бәйрәм ризыклары, коймак, вареник, сырник, эчле һәм эчсез пироглар өчем ән төп продукт булып тора.Онның саклану вакыты аз, тиз бозыла. Онны кулланыр алдыннан иләргә кирәк. Ул ондагы кислородны арттыра һәм шулай ук чит әйберләрнең онга эләгүенә чик куя.
Эремчек һәм каймак сайлаганда, аларны саклау һәм маркировкалау шартларына игътибар итәргә кирәк. Саклау температурасы 6 С тан югары булырга тиеш түгел. Эремчек һәм каймак составында сөт һәм закваскадан башка берни дә булырга тиеш түгел. Файдалылык узган сроклы сөт продуктларын сатып алырга ярамый: аларда азык белән агулану китереп чыгарырга сәләтле микроорганизмнар һәм аларның токсиннары туплана, ә термик эшкәртү һәрвакытта да әзер продуктны алардан арындырырга мөмкинлек бирми.
Туңдырылган җиләкнең яраклылыгын кибеттә ук бәяләү бик җиңел: җиләк бер боз кисәге булып кушылып туңарга тиеш түгел-бу саклау процессында продуктның берничә тапкыр эретелеп туңдырылуын күрсәтә, җиләкнең микробиологик бозылуына һәм алар белән бергә дым югалуына китерә, витаминнар да юкка чыга. Әгәр җиләкне кешедән сатып алсаң, төчкерү һәм йөткерү вакытында аерылып торган микроорганизмнар, шулай ук пычрак куллар аша башкалар эләгү мөмкин.
Ит сайлаганда аны очраклы кешеләрдән, рөхсәт ителмәгән сәүдә урыннарыннан, юл буйлап автомашиналардан сатып алмагыз. Мондый очракларда авыру яки үлгән хайваннарның итен сатып алу куркынычы бар. Исегезгә төшерәбез, иттән әзерләнүче теләсә нинди ризыкларны, сальмонеллез, дизентерия һәм паразитлар кебек эчәклек инфекцияләрен китереп чыгаручы микрофлорадан, дуңгыз һәм үгез чылбыры, эхинококк кебек паразитлар, паразитар авыруларны китереп чыгаручы микрофлорадан коткару өчен, җитәрлек термик эшкәртү белән тәэмин итәргә кирәк.
Үзегезнең һәм якыннарыгызның сәламәтлеген саклагыз!