Бүген Югары Әлморза авылының "Алсу" балалар бакчасы буендә 8 Март-Халыкара хатын-кызлар көненә багышланган бәйрәм үткәрелде.

2023 елның 7 марты, сишәмбе

8 Март-балаларның яраткан әни,әби,сеңелләрен котларга көтеп алган бәйрәм.

Әлеге көн кояшның якты  нурлары, хатын-кызның эчкерсез елмаюы белән җылы һәм чәчәкләр белән бизәлә.

Бүген Югары Әлморза авылы "Алсу" балалар бакчасы МБМББУендә Халыкара хатын-кызлар көненә багышланган бәйрәм узды.

Балалар шигырьләре, биюләре, җырлары аша әниләренә  җылы сүзләр, наз һәм игътибар бүләк иттеләр. Алар әни - әбиләренә үзләре әзерләгән эшләнмәләрне аерым бер дулкынлану белән тапшырдылар.

Бәйрәмдә катнашучылар һәм кунаклар алдагы бәйрәм көннәренә дә җитәрлек күтәренке кәеф алдылар.