Алкоголь куллануның зыяны турында дәлилләнгән фактлар
Алкоголь куллануның зыяны турында дәлилләнгән фактлар
Һәр кеше алкогольнең сәламәтлек өчен зыянлы булуын белә, әмма аны куллануны дәвам итә. Алкоголь безнең культурада ныклап урнашкан.Ләкин һәр кеше бу "эчү культурасына" каршы тора ала. Һәм бу алкогольнең чынлыкта никадәр зарарлы булуын аңлау ярдәмендә мөмкин. Алкоголь куллануның зыяны турында дәлилләнгән фактлар:
1 нче факт. Алкоголь үлемгә һәм инвалидлыкка китерә.
Гомернең башлангыч стадияләрендә алкогольне явызларча куллану үлемгә китерә. 20-39 яшь категориясендә үлемнең якынча 13,5% ы алкоголь белән бәйле.
2 нче факт. Психик халәтне үзгәртә
Алкогольне озак кулланганда кешенең психик халәте үзгәрүе исбатланган. Агрессия, төшенке халәт, депрессия, сәбәпсез конфликтка керү барлыкка килә.
3 нче факт. Йогышлы авырулар
Алкогольне зарарлы куллану белән туберкулез һәм ВИЧ / СПИД кебек йогышлы авырулар очраклары арасында сәбәпләр бәйләнеше урнаштырылган.
4 нче факт. Гомер озынлыгы кимү
Алкогольне даими куллану иртә картаюга китерә. Алкоголикларның гомер озынлыгы уртачадан 15-20 елга кыскарак.
5 нче Факт. Алкоголь наркоманиягә китерә
Алкоголь - наркотик, теләсә нинди наркотик кебек ул наркомания тудыра. Алкоголизм еш кына дәвалау авыр булган хроник авырулар китереп чыгара. Алкоголик өчен исереклек хәле иң яхшы психологик халәт.
6 нчы Факт. Хатын кызлар ир - атларга караганда эчкечелеккә тизрәк бирешә
Дәлилләнгән факт: хатын-кызлар биологик сәбәпләр аркасында эчүчелеккә ир-атларга караганда 4 тапкыр тизрәк бирешә. Мондый гаиләләрдәге балалар 5 тапкыр тизрәк бозыла.
7 нче факт. Алкоголь яшүсмер характерына йогынты ясый
Алкоголь куллану белән бала тынычсызлана башлый, агрессия, йомыклык, социаль сизгерлек, деградация түбәнәю күзәтелә, баш миенең акыл активлыгы кими, шул рәвешле мәктәптә өлгереш түбән төшү дә күзәтелә. Еш кына мондый яшүсмерләр мәсьәләнең әхлакый якларын аңламаган социопатлар булып үсә.
8 нче факт. Алкоголь хатын-кызның тышкы кыяфәтенә йогынты ясый
Ачыкланган факт, алкоголь хатын-кызның тышкы кыяфәтенә көчле йогынты ясый. Аны кулланганда тире тизрәк картая, организм таушала, тешләре бозыла. Хатын-кыз ямьсезләнә, үз – үзен карамый һәм агрессив була.
9 нчы факт. Алкоголь кабул итү бала яралгысына начар тәэсир итә
Һәр хатын-кыз бу хакта белә, ләкин урамнарда без еш кына бер стакан шәрәп куллануны кире какмаган авырлы хатын-кызларны очратабыз. Әмма бер стакан да балага зыян китерергә мөмкин.
10 нчы факт. Ашказаны-эчәк тракты эшчәнлегенә начар йогынты ясый
Алкоголь эчәккә тискәре тәэсир итә. Ул күзәнәкләрнең структурасын үзгәртә һәм барлык файдалы матдәләр организмда нормаль рәвештә үзгәрүне туктаталар. Шулай ук ашказанга тискәре тәэсир итә. Лайлалы тышчалыгын җәрәхәтли, эпител күзәнәкләрне үтерә, ашказан согы бүленүе бозыла. Шул сәбәпле, алкоголь гастрит, панкреатит, төрле җәрәхәтләр, шикәр диабеты кебек авыруларга китерә ала.
11 нче факт. Алкогольнең бавырга тәэсире
Бавыр-безнең организм өчен бик мөһим "механизм", ул безнең организмны саклаучы фильтр булып хезмәт итә. Озак вакыт алкоголь кулланганда «алкоголь депатиты» дип аталган ялкынсыну процессы барлыкка килә, ә аннан соң һәркемгә билгеле «бавыр циррозы»барлыкка килә.
12 нче факт. Алкоголь һәм йөрәк-кан тамырлары системасы
Алкогольнең йөрәккә тискәре йогынтысы-аның зураюы. Актив куллану инфаркт, инсультка китерә һәм гомумән йөрәк-кан тамырлары системасын җимерә. Йөрәк авыруларыннан интегүчеләргә алкогольне хәтта аз дозада да кулланырга ярамый.
13 нче факт. Алкогольнең бөерләргә йогынтысы
Алкоголь куллану бөерләргә зур куркыныч тудыра. Еш кулланганда аларда спиртлы эчемлекләрдәге агулы матдәләр туплана, органнарның тукымалары үзгәрә һәм некроз, бөреләрдә ташлар, бөер җитешсезлеге һәм башка төрле авырулар китереп чыгара.
14 нче факт. Баш мие таушала
Алкоголь безнең баш мие өчен бик куркыныч. Этанол баш миенең барлык системаларына тромбоз китереп чыгара, шуның нәтиҗәсендә кан тамырлары шартлый һәм баш миендә нейроннар үлә.
15 нче факт. Гаилә һәм социаль статусны югалту
Алкоголь сәламәтлек өчен зарарлы булудан тыш, кеше тормышын да тулысынча җимерә. Озак еллар спиртлы эчемлекләр эчкән кеше гаиләсез кала, эшен, дусларын һәм тормыш белән кызыксынуын югалта.
Эчү яки эчмәү - һәркемнең сайлавы. Ләкин стакан алганчы, үзегез һәм тирә-юньдәгеләр турында уйлагыз. Үзегезнең һәм якыннарыгызның сәламәтлеге турында кайгыртыгыз.
Татарстан Республикасы алкоголик дәүләт инспекциясенең Чистополь территориаль органы