Әлки муниципаль районында МВК утырышы узды

Әлки муниципаль районында 2023 елның 3 августында 2023 елның беренче яртыеллыгы эш йомгаклары буенча алкоголь һәм спиртлы продукциянең легаль булмаган әйләнешен кисәтү һәм булдырмау буенча ведомствоара комиссиянең чираттагы утырышы булды.
Утырышны башкарма комитет җитәкчесе Руслан Мурадымов үткәрде. Комиссия эшендә шулай ук Татарстан Республикасы Дәүләт алкоголь инспекциясенең Чистай территориаль органы башлыгы Александр Панов, ведомство хезмәтләре, оешмалар һәм предприятиеләр җитәкчеләре, район эшмәкәрләре, шулай ук «Алкоторг» ҖЧҖ сәүдә вәкилләре катнашты.
Комиссия тарафыннан Әлки муниципаль районы территориясендә алкоголь продукциясен сатуга кагылышлы мәсьәләләр каралды. 2023 елның 6 ае йомгаклары буенча Әлки районы буенча алкоголь продукциясен сатуга анализ ясалды, сәүдә объектларында кертелә торган алкоголь продукциясенең сатылуын арттыру сәбәпләре һәм аларны хәл итү юллары билгеләнде.

Комиссия утырышы барышында Татарстан Республикасында алкоголь продукциясен ваклап сату базарларындагы вәзгыятьне бәяләү индикаторлары җентекләп каралды һәм алга таба эшләү өчен бурычлар билгеләнде.