Татарстанда күчемсез милек рәсмиләштергәндә электрон хезмәттәшлекне активлаштырырга тәкъдим итәләр
Татарстан Росреестрында кадастр инженерлары белән ведомствоның электрон хезмәттәшлеге мәсьәләләре буенча киңәшмә узды. Аны үткәрү вакытында кадастр инженерлары тарафыннан Росреестр порталында шәхси кабинет аша гаризалар биргәндә барлыкка килә торган проблемалар турында фикер алышынды. Шулай ук инженерлар һәм Росресстрның «ТехноКад» программа белән тәэмин итү аша хезмәттәшлеге мәсьәләләре һәм башкалар каралды.
Росреестрга документлар тапшыру мөмкинлеген кадастр инженерлары электрон рәвештә шактый гадиләштерә һәм исәпкә алу-теркәү гамәлләрен тизләтә, чөнки мөрәҗәгать итүчене өстәмә вакытлы чыгымнардан һәм кыенлыклардан азат итә.
"Кадастр инженеры тарафыннан электрон рәвештә документлар тапшырганда алар турыдан-туры Росреестрга керә. Шул рәвешле, гражданнарга МФЦга походка ике тапкыр вакыт сарыф итәргә кирәкми - башта тапшыру өчен, ә аннары әзер документларны алу өчен. Кисәтүләр ачыкланган очракта, алар, мөрәҗәгать итүчене читләтеп үтеп, кадастр инженерына җибәрелә. Бу документларны сыйфатлырак әзерләүгә ярдәм итә. Бу гамәлләрнең барысы да электрон рәвештә үткәрелгәнгә күрә, күчемсез милекне рәсмиләштерү тизлеге дә арта, аерым алганда, кадастр исәбенә куелу яисә бер үк вакытта процедура - кадастр исәбенә кую һәм хокукны теркәү, - дип шәрехли Татарстан Росреестры җитәкчесе урынбасары Нияз Галиәкбәров.
Әмма, киңәшмәдә катнашучылар билгеләп үткәнчә, документларның онлайн-бирү өстенлекләренә карамастан, кадастр эшләренең күп кенә заказчылары элеккечә КФҮ аша документлар тапшыра. "Идел буе" АКИ башкарма директоры Вадим Савельев фикеренчә, электрон хезмәттәшлекне активлаштыру өчен кадастр эшләренең заказчыларының үзләренә дә, аларның башкаручыларына да - кадастр инженерларына да яңадан төзелергә кирәк:
"Бер яктан, безнең күп кенә гражданнар, бигрәк тә өлкән яшьтәгеләр, шактый консерватив, икенче яктан - кайбер кадастр инженерлары шулай ук яңа белемнәргә ия булырга һәм заказчы исеменнән гаризалар биргәндә шәхси мәгълүматларны корректлы тутыру буенча җаваплылыкны үз өстенә алырга ашыкмыйлар. Әмма чынлыкта, әгәр дә бу процессны эшләп карасаң, тапшыру электрон формасы бөтенесенә дә уңайлы булачак!"
Үз чиратында, күчемсез милек базарының профессиональ катнашучылары "Шәхси кабинет" аша документлар бирү процессын оптимальләштерүне яки "ТехноКад" программа белән тәэмин итүне дәвам итәргә тәкъдим ителде. Киңәшмәдә кадастр инженерларының әлеге багланышлар процедураларын яхшырту буенча барлык тәкъдимнәре җыелачагын һәм Росреестрга эшләп бетерү өчен тапшырылачагын хәл иттеләр.
2023 елның 1 гыйнварыннан мөрәҗәгать итүчеләр Росреестрга электрон рәвештә (ведомство сайтында шәхси кабинет аша) кадастр исәбенә алу һәм милек хокукын дәүләт теркәве турында гариза биргәндә, кадастр исәбенә алу һәм реконструкцияләнгән ИЖС объектына, бакча йортына милек хокукын дәүләт теркәве турында гариза биргәндә көчәйтелгән квалификацияле электрон имза кулланмыйча мөрәҗәгать итә ала; җир кишәрлекләрен бүлгәндә һәм берләштергәндә; күчемсез милек объекты турында төп белешмәләрне үзгәрткәндә; элек исәпкә алынган объект турында БДКМРга белешмәләр керткәндә. Бу очракларда гаризаны имзалау өчен гади электрон имза кулланыла ала.