БДКМРна Татарстан һәм Удмуртия арасында чик кертелде

Татарстан Республикасы белән Удмуртия Республикасы арасында чикне узу турында белешмәләр кертелгән. Чикнең гомуми озынлыгы субъектлар арасында 813 километр тәшкил иткән.

Удмурт Республикасы белән чикләрне билгеләү эшләре 2022 елда башланган иде, төбәкләр арасында чикләрне билгеләү турындагы килешүгә 2022 елның 19 декабрендә имза салынган иде. Чикләрне төгәлләштергәндә җирле халык үз хуҗалык эшчәнлеген алып бара торган торак пунктлар янындагы кишәрлекләргә аерым игътибар бирелде.

2023 елның августында җир төзелеше эше Росреестрга дәүләт экспертизасының уңай нәтиҗәсен алды, һәм материаллар җир төзелеше нәтиҗәсендә алынган мәгълүматларның дәүләт фондына кертү өчен Татарстан Республикасы буенча "Роскадастр" ППК филиалына тапшырылды, шулай ук Удмуртия Республикасы белән Татарстан Республикасы арасындагы чик турында белешмәләр БДКМРга кертү өчен "Роскадастр" ППКсына җибәрелде.