Бүген, 25 декабрьдә, Балалар иҗат йортында районның сәләтле балалары өчен район чыршысы узды
Чыршыга активистлар, республика олимпиадалары җиңүчеләре, республика һәм Бөтенроссия спорт ярышлары призерлары, төрле дәрәҗәдәге интеллектуаль конкурслар җиңүчеләре җыелды. Район активистларын хакимият башлыгы урынбасары Р.А. Билалов тәбрикләде: "Иң кадерле хыяллар тормышка ашсын, барлык ниятләр һәм планнар тормышка ашсын, ә Яңа ел каникуллары һәр йортка шатлык һәм ямь алып килсен, киләсе елга яңа көчләр, яңа фикерләр һәм кызыклы идеяләр белән керергә ярдәм итсен". Район балаларыннан котлау сүзе белән Юхмачы урта гомуми белем бирү мәктәбенең 4 нче сыйныф укучысы Элина Галиуллина чыгыш ясады һәм хакимият башлыгы урынбасарына Яңа ел символын - үз куллары белән ясалган Аждаһа бүләк итте. Балалар җырладылар, биеделәр, әкият геройлары белән бергә уйнадылар. Сәләтле балаларның Яңа ел чыршысында катнашуы-яхшы уку, спорт һәм иҗади казанышлар өчен киләсе елга яхшы этәргеч. Яңа ел программасы балаларның кәңеленә хуш килде, аларның йөзләре елмаеп балкыды һәм Яңа ел күчтәнәчләре белән өйләренә таралыштылар.