Теркәү һәм исәпкә алуда яңалыклар

1 октябрьдән "Россия Федерациясенең хокукларга дәүләт теркәве һәм дәүләт кадастр исәбе өлкәсендәге кайбер закон актларына үзгәрешләр кертү турында" Федераль закон көченә керә.
Хокукларга дәүләт теркәве өлешендәге төп үзгәрешләр түбәндәгеләрдән гыйбарәт булачак:
– Күчемсез милеккә һәм аның белән алыш-биреш итүгә хокукларга дәүләт теркәвен башкаруның максималь срогы гариза һәм әлеге гамәл өчен зарур булган документлар кабул ителгән көннән соң 20 көннән 18 календарь көнгәчә кыскартыла.
– Законда хокукларга дәүләт теркәве үткәрүгә документлар тапшыруның экстерриториаль принцибы каралган. Ягъни, күчемсез милеккә дәүләт теркәве үткәрү өчен документларны, күчемсез милек объектының кайда урнашуына карамастан, «Росреестр» һәм Кадастр палатасының теләсә кайсы офисына тапшырырга мөмкин булачак.
– Нотариаль гамәлләр башкару өчен зарур булган мәгълүматлар һәм документлар таләп ителү белән бәйле рәвештә, нотариус таләбе буенча, күчемсез милеккә хокукларга ия кешенең хокукка сәләтсез (недееспособный) яисә хокукка өлешчә генә сәләтле дип танылуы хакындагы ЕГРП мәгълүматлары биреләчәк.
-Күчемсез милек объектына теркәлгән хокукка карата ризасызлык фактлары булу, хокукка ия кешенең шәхсән үзенең катнашыннан башка хокукка дәүләт теркәве үткәрүнең мөмкин булмавы хакында ЕГРПга язмалар кертү мөмкинлеге барлыкка килде.
–Күчемсез милеккә хокук барлыкка килүгә яисә аның бер кешедән икенче кешегә күчүенә дәүләт теркәве үткәрелү хокукка ия кешенең үз теләге буенча – хокукны теркәү турындагы таныкнамә яисә ЕГРПдан кисемтә белән расланачак; шунысы да бар – дәүләт теркәве турында таныкнамә кәгазь документ формасында гына ясала.
–Моннан тыш, 1 октябрьдән башлап закон объектларга хокукны элек бирелгән техник һәм кадастр паспортлары ярдәмендә теркәү мөмкинлеген юкка чыгара, һәм күчемсез милек объектын, шулай ук төгәлләнмәгән капиталь төзелеш объектын теркәү өчен нинди документлар тапшыру зарур булуын тәгаенли. 2015 елның 1 мартына кадәр мондый индивидуаль торак төзелеше объектын эксплуатациягә кертүгә рөхсәт соралмый һәм җир участогына хокук бирүче документ индивидуаль торак төзелеше объектына хокукларга дәүләт теркәве үткәрүгә бердәнбер нигез булып тора.