Башкалада – ярминкәләр

Киләсе шимбәдә, ягъни 28 сентябрьдә, шәһәр халкына авыл хуҗалыгы продукциясен безнең район фермерлары, шәхси хуҗалыклар, мәктәпләр, авыл җирлекләре сатачак. Ел ахырына кадәр дәвам итәчәк ярминкәләрнең бишесендә катнашырга тиешбез. Сәүдә мәйданы итеп башкаланың Дәрвишләр бистәсендәге мәдәният йорты каршындагы мәйданчык билгеләнгән. Каз-үрдәк, чебеш-тавык, күпләп яшелчә үстергән, ит-сөт сатырга теләгән һәркем авыл җирлекләре советлары  ярдәме белән ярминкәләрдә сәүдә итә яисә продукциясен җибәрә ала.