2023 елда Татарстанның 1493 кешесе Россия социаль фондын тернәкләндерү үзәкләрендә шифаханә-курорт дәвалануын уздылар
2023 елда Татарстанда элек җитештерүдә зыян күргән 1493 кеше Россия социаль фондын реабилитацияләү үзәкләрендә шифаханә-курорт дәвалануы узган. Алар «Ключи» (Томск шәһәре), «Омский» (Омск шәһәре), «Тараскуль» (Төмән шәһәре), РФ ФБУ СИФ ТҮнең «Вятские Увалы» (Киров өлкәсе), ФБУ РФ СИФ ТҮнең «Тинаки» (Әстерхан шәһәре), РФ ФБУ СИФ ТҮнең «Идел» (Балаково шәһәре, Саратов өлкәсе), РФ ФБУ СИФ ТҮнең «Волгоград» (Волгоград шәхәре), РФ ФБУ СИФ ТҮнең «Вольгинский» ФСС ФБУ (Владимир өлкәсе), «Зәңгәр елга» СИФ тернәкләндерү һәм укыту үзәге (Мәскәү өлкәсе) һәм "Кристалл" (Анапа шәһәре) кебек үзәкләрдә булдылар.
Исегезгә төшерәбез, күп профильле үзәкләрдә дәваланучылар Россия социаль фонды акчалары исәбеннән уза. Түләүсез югары технологияле тернәкләндерү рәсми рәвештә эшкә урнаштырылган хезмәткәрләргә бирелә, алар производствода имгәнү алган. Төп шарт - мондый чаралар зыян күрүчене реабилитацияләү программасы белән каралырга тиеш.
"Һәр кунак белән төрле профильле югары квалификацияле табиблар эшли, дәвалау инновацион җиһазларда шифаханә-курорт ярдәме стандартлары нигезендә уздырыла. Шунысын да билгеләп үтәм, эш бирүче рәсми рәвештә эшкә урнаштырылган, социаль фондка травматизмга иминият кертемнәре түли торган хезмәткәрләрнең социаль гарантияләрнең тулы спектрына хокуклары бар: иминият түләүләреннән алып медицина ярдәме, дарулар, протез-ортопедик эшләнмәләре, тәрбия, өстәмә отпуск һәм шифаханә-курорт дәвалануына кадәр, шул исәптән тернәкләндерү урынына бару һәм кире кайту чыгымнарын компенсацияләүгә кадәр", - дип билгеләп үтте Татарстан Социаль фонды бүлеге идарәчесе Эдуард Вафин.
Фондның тернәкләндерү үзәкләрендә ел саен Россиянең социаль фонды юлламалары буенча дәвалау узарга мөмкин. Моның өчен дәүләт хезмәтләре порталы, КФУга яисә шәхсән Татарстан Республикасы буенча Россиянең Берләштерелгән социаль фондына клиент хезмәтендә гариза бирергә кирәк. Әгәр сорауларыгыз булса, сез һәрвакыт 8-800-1-00000-1 телефоны буенча шалтыратып, Россия социаль фондының төбәк бүлеге белгечләренә мөрәҗәгать итә аласыз (шалтырату бушлай).