Агач - ул кәгазь җитештерелә торган төп материал. Кәгазь җитештерү өчен бик күп агачларны кисәргә кирәк, ә яхшы агачны үстерү өчен уртача 50 ел көтәргә кирәк.

Агач - ул кәгазь җитештерелә торган төп материал. Кәгазь җитештерү өчен бик күп агачларны кисәргә кирәк, ә яхшы агачны үстерү өчен уртача 50 ел көтәргә кирәк. Агач утыртмаларын күпләп кисү зур тискәре нәтиҗәләргә китерәчәк.

Районыбызның мәгариф учреждениеләре балаларны экологик тәрбияләүгә аерым игътибар бирәләр. Укучылар икенчел чимал җыюда актив катнашалар. Вакыт-вакыт кабул итү пунктына кәгазь, пластик һәм батарейкалар тапшыралар.

Базарлы Матак мәктәбендә “Экология һәм табигатьне саклау. Планетаны сакла" юнәлеше эшли. Бу юнәлеш укытучыларны һәм укучыларны үз эченә ала. Мәктәп һәрвакыт төрле акцияләрдә катнашты: «Чиста ярлар», «Бум-батл», «Макулатураны тапшыр  - агачны коткар!», «Щетка, бирел!». Шулай ук алар "Мәктәп чисталыгы кубогы" җиңүчеләре һәм призерлары булдылар. Макулатура җыю экологик хәрәкәтнең аерылгысыз өлеше һәм табигать ресурсларын саклау өчен мөһим чара булып тора. Бер елда аларда ике тоннага якын макулатура һәм 5000 данә пластик җыеп алалар. Алынган акчага мәктәпкә футболкалар, балалар өчен бүләкләр, теннис өстәле, теннис туплары сатып алганнар.

Һәркем макулатура бирә ала - бу зур булмаса да, тере табигатьне саклауга мөһим өлеш.

Без бергәләп экологияне яхшырта һәм агачларны коткара алачакбыз!