Россия Федерациясе Президентын сайлаулар көннәрендә район территориясендә 49 сайлау участогы эшләячәк. Сайлау участоклары өч көн 8:00 дән 20:00 гә кадәр ачык булачак

2024 елның 13 марты, чәршәмбе

Россия Федерациясе Президентын сайлауда өч көн дәвамында - 15, 16 һәм 17 мартта тавыш бирергә мөмкин. Россия Федерациясе Президентын сайлау көннәрендә район территориясендә 49 сайлау участогы эшләячәк. Сайлау участоклары өч көн 8:00 дән 20:00 гә кадәр ачык булачак.

Үз сайлау участогының номерын белү өчен, Дәүләт хезмәтләре сайтына керергә кирәк. Моннан тыш, кайнар линия телефоны 8(800)-200-00-20 эшли.

Тавыш бирү өчен граждан паспортын яисә шәхесен таныклый торган башка документны комиссия әгъзасына тапшырырга тиеш. Журналда тамга ясала, аннары тавыш бирүче имза куя һәм тавыш бирергә җибәрелгән бюллетень ала.

Тавыш бирү көне тәмамлангач, бюллетеньнәр махсус сейф-пакетларга урнаштырыла, алар пломбаланачак һәм санау өчен тапшырылачак.