«Кече һәм урта эшкуарлык һәм шәхси эшкуарлыкка ярдәм» милли проектын гамәлгә ашыру турында
Милли проект составына керә:
- «Агростартап» КФХына грант ярдәме;
- СПоК үстерүгә субсидияләр бирү,
һәм мөлкәт, техника һәм терлекләр сатып алу чыгымнарының 50%ына кадәр өлешен каплау.
Бүгенге көнгә Татарстанда «Агростартап» программасы буенча 12 мөрәҗәгать итүче 2 млн сумнан 4 млн сумга кадәр грант алган, авыл хуҗалыгы кулланучылар кооперативларын үстерүгә субсидияләр бирү программасы буенча 74 кооператив 352,4 млн сумга субсидия алган.
Министрлык авылда кече һәм урта бизнесны үстерүгә зур игътибар бирә. Бүген һәр районда Татарстан Республикасы Авыл хуҗалыгы һәм азык-төлек министрлыгы ярдәмендә үз эшен ачкан кешеләр бар. Шул ук вакытта күпләр үзләре акча гына эшләп калмый, ә башкаларга ярдәм итәргә дә әзер. Алар көче белән кооперативлар эшли башлый.
Авыл хуҗалыгы җитештерүчеләре кооперативка берләшүнең өстенлекләре арасында, беренчедән, грантлар һәм ташламалы кредитлар рәвешендә дәүләт ярдәменә керү мөмкинлеген, икенчедән, зур партияләр төзү һәм чыгымнарны киметү исәбенә җитештерелә торган продукцияне сату, әзерләү, эшкәртү һәм төргәкләү буенча көчләрне берләштерү мөмкинлеген билгелиләр. Нәтиҗәдә җитештерүнең керемлелеге арта.
Авыл хуҗалыгы идарәсе авыл хуҗалыгы кооперациясен төзү һәм дәүләт ярдәме чараларын алу мәсьәләләре буенча «Татарстан Республикасында авыл хуҗалыгы кооперациясен үстерү буенча компетенцияләр үзәге» ДБУнә (843)221-77-40 телефоны буенча мөрәҗәгать итәргә мөмкин, дип искәртә.