Хөрмәтле Әлки районы китапханәчеләре!

2024 елның 27 мае, дүшәмбе

Сезне чын күңелдән һөнәри бәйрәмегез белән котлыйбыз!
Ел саен 27 майда без Бөтенроссия китапханә көнен билгеләп үтәбез, шул рәвешле, заманча кеше өчен укуның мәдәни әһәмиятен һәм мөһимлеген таныйбыз. Яңа цифрлы технологияләр үсешенә карамастан, чын «тере» китап һәрвакыт иксез-чиксез белемнәр, мавыктыргыч маҗаралар һәм гаҗәеп ачышлар дөньясына иң төп юл салучы булып калачак. Әлки районы китапханә өлкәсендә эшләүчеләргә хезмәтләре, гореф-гадәтләрне саклап калу һәм китапханә эшен үстерү өчен рәхмәт белдерәбез. Ныклы сәламәтлек, иминлек һәм киләчәктә эшегездә уңышлар телим!