Татарстан Росреестры балигъ булмаганнар катнашында күчемсез килешүләр башкару үзенчәлекләрен аңлатты

Росреестр Халыкара балаларны яклау көне алдыннан Татарстан Республикасы буенча Роскадастрой белән берлектә балигъ булмаганнар катнашында күчемсез милек белән килешүләр башкару мәсьәләләре буенча кайнар линия үткәрде. Сезнең игътибарыгызга актуаль сорауларны һәм аларга җавапларны тәкъдим итәбез. 
Әгәр әлеге кишәрлекләрнең милекчеләре балигъ булмаганнар булса, җир кишәрлекләрен бүлгәндә, яңадан бүлгәндә опека һәм попечительлек органнарының ризалыгы кирәкме? 
- Россия Федерациясе Граждан кодексының 37 статьясындагы 2 пункты нигезендә опекун опека һәм попечительлек органының алдан рөхсәтеннән башка, ә попечитель - тәрбиядәге баланың мөлкәтен алмаштыру яисә бүләк итү, аны вакытлыча файдалануга (арендага) бирү, түләүсез файдалануга яисә залогка тапшыру буенча алыш-биреш кылуга ризалык бирергә хокуклы түгел; опекага алынган хокуктан баш тартуга китерә торган килешүләр, аның мөлкәтен бүлү яисә аннан өлеш чыгарып, шулай ук опекага алынган баланың мөлкәтен киметүгә китерә торган башка теләсә нинди гамәлләр башкарырга хокуклы түгел. Димәк, әлеге гамәлләрне башкару өчен опека һәм попечительлек органнарының ризалыгын тәкъдим итәргә кирәк.
Балигъ булмаган баланың мөлкәтен тартып алганда нинди документлар кирәк? 
- “Күчемсез милекне дәүләт теркәве турында”гы 2015 елның 13 июлендәге 218-ФЗ номерлы Федераль законның 54 статьясы 2 пункты нигезендә опека шартларында күчемсез мөлкәт белән эш итүгә бәйле килешүләр, шулай ук балигъ булмаган гражданга яисә хокукка сәләте чикләнгән дип танылган гражданга караган күчемсез мөлкәтне читләштерү буенча килешүләр нотариаль таныклыкка тиеш. Димәк, балигъ булмаган баланың мөлкәтен тартып алу өчен нотариуска мөрәҗәгать итәргә кирәк. Игътибар итәбез, документларның хокукый экспертизасын нотариус үткәрә.

Без, никахта торып, фатирны үз акчабыз, шулай ук ана капиталы хисабына сатып алдык. Үзеңә һәм балаларга өлешне ничек аерырга?  
- «Балалары булган гаиләләргә дәүләт ярдәменең өстәмә чаралары турында» Федераль законның 29.12.2006г. №256-ФЗ номерлы 10 статьясындагы 4 өлеше нигезендә сертификат алган зат, аның ире (хатыны) ана (гаилә) капиталы чараларын кулланып сатып алынган (төзелгән, реконструкцияләнгән), мондый затның, аның хатынының (иренең) һәм балаларының (шул исәптән беренче, икенче, өченче баланың һәм аннан соңгы балаларның) гомуми милкенә килешү буенча өлешләр күләмен күрсәтеп, торак бина рәсмиләштерергә тиеш.

Әгәр торак бина тулысынча яки өлешчә аналык капиталы чараларын кулланып сатып алынган булса, ата-аналар (ир белән хатын) һәм балалар хокукында өлешләр бүлеп бирү турында килешү төзергә кирәк, шуңа бәйсез рәвештә ипотека кредиты бетерелгәнме яки юкмы. 
Әгәр дә ир белән хатын аналык капиталы буенча өлеш бүлеп бирелгән вакытта никахта тормасалар, килешүдә шул исәптән элеккеге ир белән хатын арасында мөлкәтне бүлү турында килешү элементлары булачак. Димәк, мондый килешү нотариаль таныкланган булырга тиеш.
а

ММЧ өчен элемтәләр
Татарстан Росреестры матбугат хезмәте
8 (843) 255-25-10
https://rosreestr.tatarstan.ru
https://vk.com/rosreestr16