Сугышчан хәрәкәтләр ветераннары көне алдыннан 2024г елның 29 июнендә Нурлатта истәлекле чаралар узды.

Үзәк мәйданда Әфганстанда сугыш һәм башка локаль конфликтлар ветераннары катнашында тантаналы чара узды. Чарада катнашучыларны "Театраль" скверы сәхнәсеннән Әфганстанда сугыш ветераннары һәм инвалидларының җирле иҗтимагый оешмасы рәисе Ришат Сафиуллин сәламләде. Бүләкләү тантанасы аның катнашында узды. Тантаналы чара Әлки район мәдәният йортыннан “Афганнан алып Чечняга кадәр” вокаль-инструменталь ансамбленең бәйрәм концерты белән дәвам итте.