Яшүсмерләр алкоголизмы һәм аны профилактикалау
Кешенең шәхесе яшьтән үк формалаша башлый. Нәкъ менә шуңа күрә балигъ булмаганнар арасында алкоголизмны профилактикалау мөмкин кадәр иртәрәк башланырга тиеш. Сәламәт һәм югары әхлаклы шәхес формалаштыруга игътибар бирү мөһим. Кечкенәдән үк кешегә тормышта дөрес ориентирлар күрсәтергә.
Балигъ булмаганнар арасында алкоголизмны профилактикалау үз эшен башкарсын өчен, аны төрле дәрәҗәләрдә уздырырга кирәк.
Гаиләдә сәламәт яшәү рәвеше алып бару өчен шартлар тудырылырга тиеш. Ата-аналар үз балалары өчен үрнәк булырга тиеш. Шуңа бәйле рәвештә, алкоголь кулланмаган ата-аналар алар өчен бик яхшы үрнәк булып тора. Балаларны алкоголь турында тискәре фикер формалаштыруга юнәлдерелгән тәрбияләү мөһим урын алырга тиеш.
Балигъ булмаганнар күп вакытларын мәктәптә үткәрәләр. Нәкъ менә шунда әйләнә-тирәдәге кешеләр: яшьтәшләр, өлкәннәр турында фикер салына. Мәктәптә спорт, физик күнегүләр белән шөгыльләнүне хуплый торган шартлар тудырырга кирәк. Укытучылар кирәкле сыйфатларга ия булырга һәм балигъ булмаганнар өчен үрнәк булырга тиеш. Алкогольнең зарарлы йогынтысын күрсәтүче профилактик чаралар үткәрелергә тиеш.
Дәүләт гражданнарда алкоголь куллану гомумән мөмкин булмаган яки сизелерлек чикләнгән яшәү рәвешен булдыруга ярдәм итә торган төрле профилактик чаралар кулланырга тиеш.
Алкоголизмны профилактикалау нәрсә ул? Бу халык арасында алкоголизмнан саклану факторларын көчәйтүгә юнәлдерелгән чаралар системасы. Билгеле булганча, кайбер тормыш ситуацияләре алкоголь куллана башлауга ярдәм итәргә яки киресенчә комачауларга мөмкин. Алкоголь куллануга ярдәм иткән хәлләр куркыныч факторлары дип атала, ә кимүгә ярдәм иткәннәре – саклау факторлары. Гомере буена кешегә теге яки бу факторлар да йогынты ясый, алкоголизмны профилактикалау исә саклану факторларын көчәйтүгә юнәлдерелгән. Соңгыларына гаиләдәге иминлек, физик һәм психик сәламәтлек, даими медицина күзәтүе, стрессларга чыдамлык, Яхшы муллык дәрәҗәсе, иҗтимагый нормаларны үтәү һәм башкалар керә.
Россиядә алкоголизмны профилактикалау иң актуаль проблемаларның берсе булып кала бирә. Халыкның алкоголизациясе артуы бу юнәлештә эшнең кирәклеген күрсәтә. Һәм монда, әлбәттә, үсеп килүче буын, балалар һәм яшүсмерләр арасында алкоголизмны профилактикалау аерым урын алып тора.
Татарстан Республикасы Дәүләт алкоголь инспекциясенең Чистай территориаль органы