«Авыл көне» дигән бәйрәм уздыру матур традициягә әйләнеп бара.

Иске Алпар һәм Яңа Камка авыл җирлегендә дә 20 һәм 21 июль көнне бу бәйрәмне горләтеп уздырдылар. Ә инде Иске Алпар авылы мәдәният йорты җитәкчесе – Галиуллина Сәвия – Мәдәният Министрлыгынын мактау грамотасы белән бүләкләнде. Бәйрәм авыл мәдәният йорты хезмәткәрләре һәм шунда туып-үскән авылдашлар, иганәчеләр көче белән оештырылды. Авыл үзешчәннәре, район мәдәният йорты хезмәткәрләре концерт номерлары белән бәйрәмне ямьләделәр.