Тычканнар авыру тарата

Кыр тычканнары бит бик күп  чирләр тараталар. Шулар арасында аеруча куркынычы – бөер синдромлы канлы бизгәк авыруы (ГЛПС). Соңгы елларда республикада канлы бизгәк белән авыру очраклары Россиядәге уртача күрсәткеч белән чагыштырганда 3-4 мәртәбә артыграк күзәтелә.

Әлбәттә, кеше сәламәтлегеннән дә мөһимрәк нәрсә юк. Без бүген экологик  чиста ашамлыклар хакында бик еш сөйлибез. Ә кимерүчеләр – тычканнар, күселәр безнең белән янәшәдә идән асларында, терлекчелек биналарында, складларда яшәп, безнең әйләнә-тирәдәге предметларны, шул исәптән азык-төлекне пычраталар. Иң куркынычы  – алар авыр чирләр тараталар. Канлы бизгәк авыруының кеше организмына искиткеч зур зыян салуы, бу чирне дәвалауның катлаулы булуы хакында матбугатта күп язылды инде.

Авырулар таратучы кимерүчеләрдән котылуның бердәнбер юлы – аларны юк итү. Бу безне көндәлек тормышыбыздагы күп уңайсызлыклардан арындырачак. 

Рафик Сафин,