Гемодиализ һәм онкология дәвасы алучыларга юл чыгымнарын компенсацияләү

Бөер эшчәнлегенең җиткелекле булмавы белән бәйле хроник чирдән интегүче, амбулатор гемодиализ ысулы белән дәваланучы кешеләргә гемодиализ үтәргә транспортта бару һәм кире өйгә кайту чыгымнары, шулай ук яман шеш авырулары белән чирләүче кешеләргә  Татарстанның махсус онкология ярдәме күрсәтүче  дәүләт   сәламәтлек саклау учреждениеләренә бару һәм кайту чыгымнары компенсацияләнә.

Компенсация гаиләдәге һәр кешегә уртача керем Татарстанда билгеләнгән яшәү минимумының икеләтелгән күләменнән түбәнрәк булган очракта билгеләнә һәм түләнә.

Авыру кешенең  амбулатор гемодиализ процедуралары үтү датасы һәм махсус онкология ярдәме узу чоры турында медицина оешмасыннан бирелгән мәгълүматлар компенсация түләү өчен нигез булып тора. Авыру кеше дәвалану урынына бару һәм аннан өйгә кайту өчен тотылган транспорт чыгымнары документларын китерсә, компенсация аңа чынлыкта тотылган чыгымнар күләмендә түләнә.

"Дәүләт социаль ярдәме турында" федераль закон (17 июль, 1999 ел) нигезендә  социаль хезмәтләр җыелмасы кысаларында шәһәр яны тимер юл транспортында бушлай йөрү хокукына ия булган кешеләргә шәһәр яны тимер юл транспортында йөрү чыгымнары түләнми.

Кеше  дәвалану урынына барган көннән соң алты айдан да соңга калмыйча  компенсация сорап мөрәҗәгать иткәндә генә ул аңа түләнә (киләсе абзацта күрсәтелгән очрактан тыш).

2013 елда компенсация сорап мөрәҗәгать иткән кешеләргә 2013 елның 1 гыйнварыннан башлап дәвалану урынына бару һәм киредән яшәү урынына кайту юлы чыгымнары  түләнә.

Дәвалануга йөрүче кеше, аның законлы вәкиле яисә закон нигезендә рәсмиләштерелгән ышаныч кәгазе нигезендә аның вәкиле булган кеше компенсация билгеләүне сорап кирәкле документларны район социаль яклау бүлегенә китерергә тиеш. Күрсәтелгән медицина ярдәме турындагы мәгълүматларны бүлектә белешмәдә булган күләмдә электрон төстә дә алалар.

Дөреслеккә туры килмәгән мәгълүматлар һәм документлар бирү фактлары ачыкланган очракта компенсация түләнми.

Җентеклерәк белешмәләр алу өчен социаль яклау бүлегенә мөрәҗәгать итәргә кирәк. Тел.: 20-8-94.