Балалар китапханәсендә «Китаплы җәй - Библиоканикуллар» җәйге укуларны ачу чарасы узды
Җәй көне балалар китапханәсе тормышы активлаша. Ул төрле уен мәйданчыкларына, кызыклы кешеләр белән очрашу урыннарына әверелә.
Балалар китапханәсендә «Китаплы җәй - Библиоканикуллар» җәйге укуларны ачу чарасы узды, анда Базарлы Матак гимназиясенең башлангыч сыйныф укучылары катнашты.
Китапханәдә балаларга яраткан китап битләре буйлап сәяхәт итәргә һәм әдәби викторина сорауларына җавап бирергә тәкъдим иттеләр, анда катнашучылар рус һәм чит ил язучыларының әкият һәм хикәяләренең исемнәрен генә түгел, ә китап геройларының тасвирламаларын да чамаладылар.
Чара азагында китапханәче җәйге каникул вакытында китапханәдә нинди чаралар узачагы турында сөйләде. Шулай ук балалар игътибарына «Китаплы җәй» китап күргәзмәсен тәкъдим итте, анда кече һәм урта сыйныф укучылары өчен сыйныфтан тыш уку өчен китаплар тәкъдим ителде, алар турында сөйләде һәм яшь катнашучыларны китапханәгә даими йөрергә чакырды.