Пермь округындагы Сабантуйда Әлки районы көрәшчеләре бүләкләргә лаек булдылар

2025 елның 29 июне, якшәмбе

Пермь округындагы Сабантуйда Әлки районы көрәшчеләре бүләкләргә лаек булдылар.

Пермь округының Башкултай авылында Сабантуй узды, анда Әлки районы спортчылары бик яхшы нәтиҗәләр күрсәттеләр.

Көрәшчеләребез югары дәрәҗәдә әзерлекләрен, осталыкларын һәм көрәш алып бару тактикасын күрсәттеләр, бу аларга тәэсирле җиңүләр яуларга мөмкинлек бирде.

Үз үлчәү категорияләрендә Артем Калмыков, Алмаз Абдуллин һәм Инсаф Хәйруллин — беренче, Артур Гыйләҗев — икенче, ә Артем Артемьев һәм Рамзил Абдуллин өченче урыннарны алдылар.
Волейбол буенча ярышларда Әлки районы командасы — беренче, ә армрестлингта икенче урынны алды.