Әлки районында "Игътибарлы бул, машина йөртүче!" акциясе узды

2025 елның 6 июле, якшәмбе

Әлки районында " Игътибарлы бул, машина йөртүче!"акциясе узлы. Ул юл хәрәкәте иминлеген арттыруга юнәлдерелгән. Чарада юл хезмәте йөртүчеләренә аерым игътибар бирелде.

Чарада Россия Эчке эшләр министрлыгының Әлки районы буенча Дәүләт автоинспекциясенең Әлки бүлеге хезмәткәрләре, шулай ук "Юл хәрәкәте иминлеге" ДБУнең Әлки профилактика бүлеге башлыгы катнашты. Акциянең максаты машина йөртүчеләргә юл хәрәкәте кагыйдәләрен үтәү кирәклеген искәртү иде, бигрәк тә юлларда эшләү шартларында.

Оештыручылар акция юл-транспорт һәлакәтләре санын киметергә һәм Әлки районында юл хәрәкәтендә катнашучыларның иминлеген арттырырга ярдәм итәр дип өметләнәләр.