Әлки районында элеватор ачылуга 20 ел тулу уңаеннан тантаналы чара узды

Әлки районында элеватор ачылуга 20 ел тулу уңаеннан тантаналы чара узды. Анда район башлыгы Александр Никошин, «Кызыл Шәрык «КТ» ширкәте генераль директоры Гадел Хәйруллин, «Татарстанские Зерновые Технологии» акционерлык җәмгыяте генераль директоры Сирин Шәрәпов һәм «Эдельвейс групп» акционерлык җәмгыяте генераль директоры Ленар Хәсәнов катнашты.

Ике дистә ел эшләү дәверендә элеватор миллион тоннадан артык ашлык кабул иткән, саклаган һәм кулланучыларга җибәргән. Шул вакыт эчендә элеваторның матди базасы шактый киңәйде һәм камилләште. Хәзер ул 80-90 мең тоннага кадәр ашлык сыйдыра ала.

Элеватор коллективы «Востокзернопродукт»җәмгыяте хезмәтчәннәре җыйган уңышны ышанычлы һәм сыйфатлы саклый. Юбилей уңаеннан Гадел Хәйруллин элеватор хезмәткәрләренә 10 миллион сумлык сертификат тапшырды.

Тантаналы чарада элеватор коллективы адресына бик күп җылы сүзләр һәм теләкләр яңгырады. Иң яхшы хезмәткәрләргә тапшырылды