Хөрмәтле Дәүләт янгын күзәтчелеге хезмәткәрләре!

Хөрмәтле Дәүләт янгын күзәтчелеге хезмәткәрләре!
 Сезне чын күңелдән һөнәри бәйрәмегез - Россиядә дәүләт янгын күзәтчелеге органнарын булдыру көне белән котлыйбыз!
Сез гомерегезне янгын куркынычсызлыгын тәэмин итү һәм янгыннарны профилактикалауга багышладыгыз. Сезнең эшегез нәтиҗәсендә янгыннарны булдырмый калу, кеше гомерләрен саклап калу мөмкин булды.
Сезнең җилкәгезгә янгын чыгуны кисәтү, янгынга каршы чаралар эшләү, аларның үтәлешен күзәтү, янгынга каршы җиһазларның булу-булмавын һәм торышын тикшерү, гомуми хәбәр итү системасын булдыру функцияләре йөкләнгән.
Бу көнне янгын күзәтчелегенең барлык хезмәткәрләренә һөнәри осталыклары һәм эшкә тугрылыклары өчен ихлас рәхмәтебезне белдерәбез. 
Сезгә нык сәламәтлек, уңышлар, бәхет һәм гаиләләрегезгә иминлек телибез!