Татарстан Республикасы Министрлар Кабинетының Баш ветеринария идарәсе башлыгы урынбасары Илдар Ногманов Татарстан Республикасы Авыл хуҗалыгы һәм азык-төлек министры урынбасары Гөлүс Баязитов белән берлектә «Хузангай» ҖЧҖ хуҗалыгында булдылар.
Визит кысаларында катнашучылар мөгезле эре терлек асрала торган сөтчелек комплексларын карадылар һәм тиешле тәкъдимнәр бирделәр.
Шулай ук кунаклар урып-җыю кампаниясенең барышы белән таныштылар. 1000 тоннадан артык ашлык суктырган иң яхшы хезмәткәрләрне Рәхмәт хатлары белән бүләкләделәр.